Барби хүүхэлдэйд тэсрэх бөмбөг нуусан этгээдийг саатууллаа
Өнөөдөр өглөө Австралийн нисэх онгоцны буудалд нэг эр барби хүүхэлдэйн дотор тэсрэх бөмбөг нуусан байсныг албаныхан илрүүлжээ.
Өнөөдөр өглөө Австралийн нисэх онгоцны буудалд нэг эр барби хүүхэлдэйн дотор тэсрэх бөмбөг нуусан байсныг албаныхан илрүүлжээ. 32 настай Махмуд Каят Австралиас Арабын нэгдсэн эмират улс руу зорчих агаарын тээврийн онгоцонд уг тэсрэх бодисоо дэлбэлэх гэж байсан тухай тус улсын Цагдаагийн Ерөнхий газар мэдээллээ.
400 гаруй суудалтай уг нислэгийн өмнө гар тээшийг нь хянан шалгах үед түүний цүнх сэжиг бүхий хүнд жинтэй байсан тул нарийвчлан шалгалтад оруулсан аж.
Түүнийг “террорист халдлага үйлдэхээр завдсан” хэргээр мөрдөн байцааж байгаа бөгөөд Австралийн нисэх онгоцны буудалд хамсаатан нь байж болзошгүйг Цагдаагийн Ерөнхий газар анхааруулжээ. Түүний тээвэрлэж явсан тэсрэх бодис Исламын улс бүлэглэлээс олон улсын шуудангаар ирсэн болохыг шинжээчид илрүүлсэн байна.
“Өнгөрсөн 7-р сард Махмуд Каят Австралиас Сири хүрэх нислэгийн үеэр сэжиг бүхий үйлдэл хийснийг Австралийн Цагдаагийн Ерөнхий газраас хянан шалгаж, анхааралдаа авсан байсан” гэв.
Эх сурвалж: BBC