2 мин

Таны анзаараагүй хөлбөмбөгийн сонирхолтой наймаанууд

Цагтаа цалгиж явсан одод хэний ч санаанд оромгүй багт орж, ногоон талбайдаа бөмбөг өшиглөсөөр байгаа аж.

М.Сугар-Эрдэнэ 2017.08.22

Бразилийн Неймар “Барселона” багаа сольж, Францын “Пари Сен Жермен”-д 222 сая еврогоор очсон нь энэ зуны гол шуугиан байлаа. Гол оддынхоо нэгийг алдсан “Барса” оронд нь “Ливерпуль” багаас Коутиньог авах гэж оролдон, “Ливерпуль” өгөхгүй хэмээн маргалдаж байгаа нь бас нэгэн дуулиан болоод байгаа. Гэхдээ энэ бүхний хажууд хөлбөмбөг сонирхогчид та бүхний анзааралгүй үлдсэн гэрээ, наймаа бас олон байна. Заримыг нь хараад та гайхан цочирдох нь лавтай. Цагтаа цалгиж явсан одод хэний ч санаанд оромгүй багт орж, ногоон талбайдаа бөмбөг өшиглөсөөр байгаа аж.

Майкон

“Монако", "Интер", "Манчестер Сити", "Рома"-д тоглож явсан 36 настай Майкон Бразилийн “Аваи” хэмээх бяцхан багтай гэрээ байгуулжээ.

Милан Барош

“Ливерпуль”, “Астон Вилла”, “Олимпик” багуудад гялалзаж, Аваргуудын лигийн цомыг өргөж явсан Барош төрөлх “Баник” багтайгаа нэг жилийн гэрээ байгууллаа. 35 настай.

Жермейн Пеннант

Испанийн “Сарагоса”, Премьер лигийн “Сток Сити”, “Портсмут”, “Ливерпуль”, “Бирмингем”, “Арсенал”, “Лидс” багуудад тоглосныхоо дараа Английн доод хэдэн лигийг гүйцээгээд Энэтхэг, Сингапурт хэсэг тоглосон тэрбээр нутагтаа буцаж, Английн 7-р дивизионы “Биллерикэй Таун” багт оржээ.

Филипп Сендерос

32 настай швейцарь эр “Арсенал”, “Эвертон”, “Милан”, “Валенси” багт тоглож явсан. Хамгийн сүүлд тэр Шотландын “Глазго Рейнжерс” багт тоглоод Америкийн “Хьюстон Динамо”-г зорьлоо.

Йосси Бенаюн

“Ливерпуль”, “Арсенал”, “Челси” хэмээх Английн аварга загаснуудад хүч өргөж байсан Израилийн Йосси Бенаюн 37 нас хүрсэн ч зодог тайлаагүй л байна. Тэр энэ зун нутгийнхаа “Бейтар”-т элссэн.

Графите

“Вольфсбург” багт Бундеслигийг донсолгож явсан бразил довтлогч энэ зун нутгийнхаа хоёрдугаар лигийн “Санта круз” багт орлоо.

Тайе Тайво

“Нигерийн алмааз” гэгдэж байсан Тайе Тайво “Марсель”, “Милан” багуудыг дамжаад 32 насандаа Шведийн “АФК Юнайтед” багт газардлаа.

Макси Родригес

“Ливерпуль”, “Атлетико” Мадрид багийн од байсан Макси 36 настай. Зэрэглэл доошилсон ч гэсэн тэр Уругвайн “Пеньяроль” гэсэн том багт орсон.

Стивен Пиенар

“Эвертон”, “Тоттенхэм”-д ид үеэ өнгөрөөсөн Өмнөд Африкийн тоглогч Пиенар 35 насандаа эх орондоо харьж, “Бидвест Уитс” багтай гэрээ байгууллаа. Түүний сүүлчийн баг нь “Сандерлэнд” байв.

Робби Кин

Ирландын од, “Тоттенхэм”-ийн мэргэн бууч Робби Кин Америкийн “Лос-Анжелес Гэлакси”-г орхиж, Энэтхэгийн “Атлетико де Колката”-той гэрээ байгууллаа. Шинэ багийнх нь дасгалжуулагч нь Тедди Шерингем гэж байгаа.

Кэйсүкэ Хонда