"Макарена" бүжиглэсэн хүүг цагдан хорьжээ
Өнгөрсөн 7-р сард Саудийн Арабын төв зам дээр нэгэн хүү 90-ээд оны алдартай дуу болох “Hey Macarena”-г сонсон бүжиглэж байсан бичлэг интернетэд цацагдсан.
Өнгөрсөн 7-р сард Саудийн Арабын төв зам дээр нэгэн хүү 90-ээд оны алдартай дуу болох “Hey Macarena” сонсон бүжиглэж байсан бичлэг интернетэд цацагдаж багагүй шуугиан тарьсан. Тэгвэл тус улсын Цагдаагийн Ерөнхий газраас хүүг эрэн сурвалжилж, саатуулаад байна.
40 секунд үргэлжлэх тус бичлэгт хүү Жеддах гудамжийн машин зам дээр Саудийн Араб улсад хориглосон Латин-Америкийн бүжиг бүжиглэжээ. Бичлэг интернетэд цацагдсанаас хойш цахим орчинд маш хурдан түгэж, зарим хүмүүс түүнийг бүр “бидний баатар”, “зоригтой байлаа” ч гэж жиргэсэн байна.
Цагдаагийн Ерөнхий газраас 14 настай хүүд “олон нийтийн газар зохисгүй үйлдэл хийсэн”, “замын хөдөлгөөнд хүндрэл учруулсан” зэрэг хэрэг үүсгээд байгаа юм. Хуулийн хатуу чанга дэглэмтэй тус улс насанд хүрээгүй хүүхдэд ял оноох эсэх талаар хэлэлцэж, хараахан шийдвэр гаргаагүй байна.
Эх сурвалж: BBC