Үндсэн хуульд зааснаар Засгийн газар дөрвөн жилийн бүрэн эрхийн хугацаатай
Харин УИХ-ын гишүүд Ерөнхий сайдыг огцруулах замаар Засгийн газрыг татан буулгаж, дараагийн ээлжийн “хоолны хонх”-ыг зохьдог байсан нь Засгийн газрын тухай хуульд цагаан дээр хараар тодоос тод үлджээ.
Ерөнхий сайдыг огцруулах бичигт МАН-ын нэр бүхий 30 гишүүн гарын үсэг зуржээ. УИХ-ын гишүүн Т.Аюурсайхан Ерөнхий сайд Ж.Эрдэнэбатыг огцруулах бичгийг УИХ-д өргөн барьсан байна.
Тэгвэл Монгол Улсын Үндсэн хуульд заасны дагуу Засгийн газрын бүрэн эрхийн хугацаа дөрвөн жилээр тогтож байна.
Монгол Улсын Үндсэн хууль...Дөчдүгээр зүйл.
1. Засгийн газрын бүрэн эрхийн хугацаа дөрвөн жил байна.
Гэхдээ үе үеийн Засгийн газар үүнээс хэд дахин богино настай байж ирсэн нь Засгийн газрын тухай хуульд цагаан дээр хараар тодоос тод үлджээ. Тодруулбал, 1993 онд Засгийн газрын тухай хууль батлагдсанаас хойш Монгол Улсын яамны бүтэц долоон удаа өөрчлөгдсөн байгааг харна уу.
Засгийн гарын тухай хууль
... 18 дугаар зүйл. Монгол Улсын яам
3.Засгийн газрын бүтцэд доор дурдсан яам ажиллана:
Ерөнхий чиг үүргийн:
1/Байгаль орчин, аялал жуулчлалын яам;
2/Батлан хамгаалахын яам;
3/Гадаад харилцааны яам;
4/Сангийн яам;
5/Хууль зүй, дотоод хэргийн яам;
6/Хөдөлмөр, нийгмийн хамгааллын яам;
Чиглэлийн:
7/Барилга, хот байгуулалтын яам;
8/Боловсрол, соёл, шинжлэх ухаан, спортын яам;
9/Зам, тээврийн хөгжлийн яам;
10/Уул уурхай, хүнд үйлдвэрийн яам;
11/Хүнс, хөдөө аж ахуй, хөнгөн үйлдвэрийн яам;
12/Эрчим хүчний яам;
13/Эрүүл мэндийн яам.
/Энэ хэсгийг 1994 оны 1 дүгээр сарын 14-ний өдрийн хууль, 1996 оны 7 дугаар сарын 25-ны өдрийн хууль, 2004 оны 9 дүгээр сарын 22-ны өдрийн хууль, 2008 оны 9 дүгээр сарын 17-ны өдрийн хууль, 2012 оны 8 дугаар сарын 17-ны өдрийн хууль, 2014 оны 12 дугаар сарын 4-ний өдрийн хууль, 2016 оны 7 дугаар сарын 21-ний өдрийн хуулиар өөрчлөн найруулсан/