1 мин

Бичлэг: Э.Даваачимэг, А.Батцэцэг, Г.Уртнасан нарын барилдаан

Эмэгтэйчүүдийн 55 кг-д ОУХМ Э.Даваачимэг 8, 58 кг-д ОУХМ А.Батцэцэг 12, 75 кг-д ОУХМ Г.Уртнасан 8-р байр эзэллээ.

М.Сугар-Эрдэнэ 2017.08.24

Францын нийслэл Парис хотноо болж буй чөлөөт бөхийн ДАШТ-ий эхний өдөр эмэгтэйчүүдийн 63 кг-ийн жинд П.Орхон дэлхийн аварга болсон билээ. Энэ өдөр түүнээс гадна манай гурван бөх барилдсан.
Эмэгтэйчүүдийн 55 кг-д “Хилчин” спорт хорооны тамирчин ОУХМ Э.Даваачимэг найм, 58 кг-д “Хасу-Мегастарс” клубийн тамирчин ОУХМ А.Батцэцэг 12, 75 кг-д “Хилчин” спорт хорооны тамирчин ОУХМ Г.Уртнасан наймдугаар байр эзэллээ.

Эмэгтэйчүүдийн 55 кг-д барилдсан Азийн АШТ-ий хүрэл медальт, залуучуудын ДАШТ-ий алт, хүрэл медальт, Э.Даваачимэг эхний тойрогт Украины Татьяна Китийг 7:6-гаар ялсан.

1/8 Туркийн Бедиха Гуныг 8:3 ялсан.

Шөвгийн наймд ДАШТ-ий хүрэл медальт Нигерийн Одунао Адекуроройд 4:8-аар ялагдсан.

Дагах барилдаанд Францын Матилде Риверед 0:4 ялагдлаа.

55 кг (24 бөх): 1. Харүна Окүно (Япон) 2. Одуня Адекурой (Нигери) 3. Бека Литерс (АНУ), Ирина Курашкина (Беларусь)
58 кг-д “ОУХМ А.Батцэцэг барилдсан. Тэр эхний тойрогт Казахстаны Гулшахарат Талассоваг 9-2 ялсан.

1/8 шигшээд Нигерийн Аминат Олувафунмилаод 1:2-оор ялагдлаа.
58 кг (27): 1. Хелен Марулис (АНУ) 2. Марва Амри (Тунис) 3. Мишель Фаззари (Канад), Айсулуу Тыныбекова (Киргизстан)
Хамгийн хүнд жинд барилдсан Г.Уртнасан эхний тойрогт Францын Чарлин Мэдисон Домингесийг 7:0 ялсан.