2 мин

Австралийн амьтны хүрээлэнд ховордсон цагаан коала баавгай мэндэлжээ

“Түүний энэ ер бусын цагаан өнгө нь альбинизмтай ямар ч хамааралгүй бөгөөд энэ нь эхээс өвлөгдөн ирсэн гентэй холбоотой”

Ub.life 2017.08.24 38 30

7

Австралийн амьтны хүрээлэнд ер бусын цагаан коала баавгай мэндэлжээ. Күинслэндийн амьтны хүрээлэнгийн төлөөлөгчийн хэлж буйгаар “Түүний энэ ер бусын цагаан өнгө нь альбинизмтай ямар ч хамааралгүй бөгөөд энэ нь эхээс өвлөгдөн ирсэн гентэй холбоотой.” гэжээ. Шинэхэн төрсөн эм коала баавгайд одоогоор нэр өгөөгүй байгаа аж. Амьтны хүрээлэнд ирсэн зочид болон цахим орчноор цагаан коала баавгай хүмүүсийн хайрыг татаад байна.

Хэрэв цагаан коала зэрлэг байгальд төрсөн бол тийм ч удаан амьд явж чадахгүй гэж шинжээчид үзжээ. Учир нь хэт тод өнгөтэй амьтад зэрлэг байгальд бүргэд, тас, шар шувуу зэрэг амьтдын бай болдог байна.

“Мал эмнэлгийн анагаах ухаанд энэ нь ихэвчлэн “Мөнгөн ген” гэж нэрлэгддэг бөгөөд амьтад цагаан эсвэл хэтэрхий тод өнгөтэй төрөхийг хэлдэг байна. Хүүхдийн сүүн шүд шиг, томрох явцад нь үс нь унаж арай өөр өнгөтэй болдог.” гэж амьтны хүрээлэнгийн эрүүл мэндийн төвийн захирал Роси Бут хэллээ. “Би зэрлэг байгальд 20 жилийн хугацаанд коала баавгайг судалсан ч ийм цагаан өнгөтэй коала харж байгаагүй” гэж Күинслэнд их сургуулийн экологич Алистер Мальзер хэлсэн байна.

“Австралийн аялал жуулчлал” агентлаг фэйсбүүк хэрэглэгчдийн дунд “Цагаан коала баавгайн нэрийг сонгоход тусалъя” аяныг эхлүүлжээ. Уг аяны хүрээнд “Snowflake”, “Diamond”, “Pearl”, “Djendaladi” гэх нэрүүд олон хүний саналтай явж байгаа юм байна. 

                                                                                                                                  Эх сурвалж: BBC.com

Ub.life 2017.08.24

7