1 мин

"Google" сэтгэл гутралын зөвлөгөө өгдөг болно

Олон улсын хамгийн өргөн хайлтын сүлжээ болох "Google" компаний зүгээс хайлтын шинэ техникийг нэвтрүүлэхээр болсноо зарлалаа.

2017.08.25 42 31 17

20

Олон улсын хамгийн өргөн хайлтын сүлжээ болох "Google" компаний зүгээс хайлтын шинэ техникийг нэвтрүүлэхээр болсноо зарлалаа. 

Хэрэглэгч хайлтын системээс “сэтгэл гутрал” гэж хайхад энэ өвчний шинж тэмдэг, заавар зөвлөгөө гарч ирэх юм. Мөн хэрэглэгч өөрт илэрсэн шинж тэмдэг, зовиурыг цөөн үгээр илэрхийлснээр сэтгэл гутралын төвшингөө ч тодорхойлох боломжтой. 

Одоогоор энэхүү систем туршилтын шатан дээр явж байгаа бөгөөд тун удахгүй олон улсад нэвтрүүлэх юм.  Ингэхдээ та системээс “сэтгэл гутрал” гэж хайхад цөөн асуулт гарч ирнэ. “Таны сэтгэл хэр их хямардаг вэ?” гэсэн асуулт гарч ирэхэд “өдөр бүр”, “цаг хором бүр”, “хааяа” зэрэг хариултын нэгийг сонгох шаардлагатай. 

АНУ-ын Сэтгэцийн эрүүл мэндийн үндэсний төвтэй хамтран нэвтрүүлж буй энэхүү хайлтын шинэ системийн тусламжтайгаар дэлхийн хүн амын эрүүл мэндэд хувь нэмэр оруулж чадна гэж тэд үзжээ. Тус төвийн судалгаагаар АНУ-ын хүн амын 5 хүн тутмын 1 нь сэтгэл гутралын хүнд нөхцөлд орсон байдаг бол 50 хувьд нь ямар нэг байдлаар сэтгэцийн эмгэгийн шинж тэмдэгт илэрсэн байдаг аж. 

Удахгүй бүх төрлийн өвчний шинж тэмдэг, заавар зөвлөгөөг өгөхөөр ажиллаж буйгаа компаний зүгээс мэдээллээ. 

Эх сурвалж: BBC

2017.08.25

20