2 мин

Банкны салбарын талаар “Moody’s”-ийн Грэйм Ноудын тавьсан илтгэл (бүрэн эхээрээ)

"Invest Mongolia 2017" хөрөнгө оруулагчдын чуулга уулзалтын үеэр банкны салбартай холбоотой хэлэлцүүлэг өрнөсөн.

Э.Хулан 2017.09.04

"Invest Mongolia 2017" хөрөнгө оруулагчдын чуулга уулзалтын үеэр банкны салбартай холбоотой хэлэлцүүлэг өрнөсөн. Хэлэлцүүлэг эхлэхээс өмнө Монголын банкны салбарын тухай "Moody's investors service"-ийн гүйцэтгэх захирал Грэйм Ноуд илтгэл тавьсан юм. Бүрэн эхээр нь хүргэж байна.

Өнгөрсөн жилтэй харьцуулахад банкны салбарын төлөв сөрөг хэвээр байна. Монголын банкны салбарыг тогтвортой төлөвтэй болгохоор ажиллах хэрэгтэй байх. Орчныг өөрчлөх нь чухал болов уу.

Ашигт ажиллагаа тогтвортой хэмжээнд байгаа. Гэхдээ энэ нь өөр бусад асуудлыг оролцуулбал өөр харагдана байх. Жигд бус байгаа гэсэн үг л дээ. Системийн түвшин дэх дэмжлэгийн асуудал байна. Банкны салбарыг дэмжигдэж буй салбар гэж үзэх ёстой байх.

Эдийн засгийн өсөлтийн порогнозоос харвал бодит ДНБ-ний гурав хувийн өсөлт харагдана гэж тооцсон байдаг. Активын чанарыг авч үзвэл асуудал бий. Чанаргүй зээлийн хэмжээ 7 эсвэл 9 хувьтай тэнцэж байгаа гэх мэт. Мөн хугацаа хэтэрсэн зээл 16.8 хувьтай тэнцэж байгаа гээд санаа зовох асуудал байгаа нь ажиглагдаж байна. Гэхдээ хугацаа хэтэрсэн зээл 16 хувиас хэтрэхгүй болов уу. Өөрөөр хэлбэл, улны үзүүлэлттэй хүрсэн болов уу гэж үзэж байна.

Чанаргүй зээлийн хэмжээ төдийлөн өсөхгүй байх гэсэн хүлээлттэй байна. Учир нь уул уурхай, барилга гээд бодит эдийн засаг сэргэж байгаа. Мөн дефолтын эрсдэл нам болж байна гэж харж байна. Монголын төгрөг чангарч, тогтвортой байгаа. Мөн гадаад позиц сайжирч, гадаад валютын зээл өсөөгүй. Мөн ОУВС-гийн хөтөлбөрийг дурдаж болно. Түүнчлэн барьцаа хөрөнгийн үнэлэмж буураагүй байна. Энэ бол үл хөдлөх хөрөнгийн үнэ цэнэтэй холбогдож байна.

ОУВС-гийн хөтөлбөр үнэлгээний талын хатуу чанга шаардлага хэр тавих вэ гэдгээс олон зүйл хамаарна.

Гэхдээ банкны салбарт зузаатгал шаардагдсаар байна. Балансаас хасах шаардлагатай чанаргзй зээлийн түвшинг авч үзэх ёстой.

Мөн цэвэр хүүний түвшинг авч үзэх хэрэгтэй. Хөрөнгөжилтийн байдал, нөөцийн байдлыг авч үзэх ёстой.

Хамгийн муугаар таамаглал дэвшүүлж харвал, капиталын харьцаа хамгийн муу түвшинд хүрч магадгүй. Гэхдээ нөөц хөрөнгө хүртээмжтэй байгаа учраас муу тийш очихгүй байх. Гэнэтийн сюрпризгүй байх болов уу.