Цагаан толгойн шинэ сурах бичиг худалдаанд гарлаа
Монсудар хэвлэлийн газрын Сурах-сургах хэрэглэгдэхүүний ДиДо редакцаас цагаан толгойн шинэ сурах бичгийг эрхлэн гаргажээ.
Монсудар хэвлэлийн газрын Сурах-сургах хэрэглэгдэхүүний ДиДо редакцаас цагаан толгойн шинэ сурах бичгийг эрхлэн гаргажээ. Уг цагаан толгой нь нэгдүгээр ангийн хүүхдийн нас, сэтгэхүйн онцлог, сонирхол, чадвар чадамжид нь бүрэн нийцсэн анхны бүтээл гэдгээрээ чухал онцлогтой аж.
Зарим онцлогоос нь дурдвал:
• Сонирхолтой олон янзын эх, дасгал ажлуудтай
• Эхүүд нь тухайн үсгийн, агуулгын онцлог шинжийг харуулсан, хүүхдийн эргэн тойрон, амьдралд ойр.
• Аргазүйн үүднээс хичээлийн төлөвлөлт бүрэн тул нэг үсгийг сурах, заахад дасгал ажилбар дутахгүй, системтэйгээр суралцах боломжийг бий болгосон.
• Үсгийн санг ашиглаж, түүгээр ажиллах олон янзын дасгал оруулсан. Ингэснээр хүүхэд маш хурдан бие дааж уншиж сурах боломжтой.
• Хамгийн гол давуу тал нь агуулга. Нэг ангийнхны дүрээр нэгж хичээлүүд хоорондоо холбогдоно. Салангид тусдаа, амьдралгүй хуурай эхүүд биш, сурагчдын ахуй орчин, амьдралтай холбож өгсөн.
Мөн “Нэг ангийнхан цагаан толгой” нь дан ганц сурах бичиг биш сургалтын цогц хэрэглэгдэхүүн гэдгээрээ онцлогтой. Уг сурах бичгийг Дасгал ажлын ном, Үсгийн карт, Хичээнгүй бичиг, чээж бичгийн дэвтэр, Багшийн гарын авлага дагалдах юм байна.
Цаашид цагаан толгойг сурсны дараах шатанд зориулж уншиж сурахад чиглэсэн, түвшин бүрээр ахих унших бичгүүд гарах аж.
Уг номын тухай дэлгэрэнгүй танилцуулгыг ЭНД дарж үзнэ үү.