1 мин
Ном "уншдаггүй" НОМЫН ХОРХОЙТНУУДЫН л ойлгох 14 зүйл
Яг ном уншаад суух гэхээр нойр хүрч, фэйсбүүк, инстаграмаа шалгамаар санагддаг.
1. Танд ном уншъя гэсэн хүсэл эрмэлзэл асар их байдаг.
2. Гэхдээ та яг цагаа тулахаар хэзээ ч ном уншдаггүй.
3. Яг ном уншаад суух гэхээр нойр хүрч, фэйсбүүк, инстаграмаа шалгамаар санагддаг.
4. Та хаана, ямар шинэ ном гарч, аль зохиол монгол хэл рүү орчуулагдсан гэх зэрэг сүүлийн үеийн номтой холбоотой мэдээллүүдийг маш сайн мэддэг.
5. Тэгээд бүр тэр бүгдийг худалдан авч, уншиж дуусгаагүй номуудынхаа жагсаалтуудыг нэмсээр л байдаг.
6. Танд яг одоо уншиж дуусгаагүй, эхлүүлээд орчихсон ном нэлээн хэд бий.
7. Хүмүүс танаас "Тэр номыг уншиж байсан уу?" гэж асуух үед үргэлж “Уншиж байгаа. Удахгүй дуусна” гэж хариулдаг.
8. Та номыг гэрлийн хурдаар уншдаг хүмүүсийг “Яаж ингэж уншаад байдаг байна аа?” гэж гайхаж, нууцхан атаархдаг.
9. Таны номын цуглуулгын бараг тал ном нь шив шинээрээ байгаа.
10. Гэхдээ хүмүүс тэр номыг тань зээлж уншъя гэх үед “Би одоо өөрөө унших гэж байгаа. Дуусгаад өгье гэж хэлдэг”. Хамгийн гол нь та хэзээ ч тэр номыг уншиж дуусгадаггүй...
11. Танд уншиж дуусгаагүй маш олон ном байгаа ч, унших номынхоо жагсаалтад үргэлж ном нэмж байдаг.
12. Гэсэн хэдий ч танд ном унших чин их хүсэл эрмэлзэл байгаа хойно өөрийгөө хүчлээд ч болтугай номуудынхаа ард гардаг.
13. Та номоо уншихаас илүүтэй фэйсбүүк, инстаграм дээрээ зургийг нь авч постлох дуртай.
14. Гэхдээ та нэг таалагдсан номоо нүд ирмэхийн зуур л уншиж дуусгадаг.