Хүүхдийн өсөлтийг дагаж сунадаг хувцас зохион бүтээжээ
Раян Яасин гэх инженер залуу 6 сартай хүүхэд 3 нас хүртлээ өмсөх боломжтой, биеийн хэмжээгээр сунадаг өмд, цамц зохион бүтээжээ.
Раян Яасин гэх инженер залуу 6 сартай хүүхэд 3 нас хүртлээ өмсөх боломжтой, биеийн хэмжээгээр сунадаг өмд, цамц зохион бүтээсэн нь Их Британы хувцас дизайнерийн шилдэг бүтээлд олгодог Жамес Дайсоны шагналыг хүртжээ. Уг шагналд нийт 2000 гаруй бүтээл өрсөлдсөн аж.
6 сартай хүүхдийн жижиг хэмжээнээс эхлээд нийт 7 том, бага хэмжээний хувцсыг орлож чадах энэ хувцас нь ус нэвтрүүлдэггүй, угааж цэвэрлэхэд агшиж сунадаггүй онцлогтой. “Хүүхэд энэ насандаа хамгийн хурдан өсөлттэй байдгаас нэг хувцсаа удаан өмсөлгүй шинэ хувцас авах шаардлагатай болдог бол энэ хувцас 7 хувцсыг орлож чадна.” гэж уран бүтээлч хэлжээ.
Тэрээр үеэл дүүдээ шуудангаар хувцас явуулсан боловч илгээмж хүлээн авахад тэдгээр хувцас нь хэдийн багадчихсан тул хүүхдийн өсөлттэй хамт сунаж, томрох чадвартай хувцас бүтээхээр шийдсэн байна.
Энэхүү өмд цамц нь эрэгтэй, эмэгтэй аль ч хүүхдэд тохиромжтой загвартай бөгөөд цаашид ийм сунаж агшдаг жирэмсний хувцас гаргахаар уран бүтээлч төлөвлөж байгаа аж.
Эх сурвалж: BBC