1 мин

“Мартагдашгүй намар” фото аяллын үеэр гэрлэх санал тавьж буй зургууд таньд БАЯР БАЯСАЛ бэлэглэх болно

"Тусгал" клубын гишүүн Т.Лхагвасүрэн энэ жилийн “Мартагдашгүй намар” аяллын үеэр буюу танилцсаны 1 жилийн ой дээр хайртдаа гэрлэх санал тавьж, гэнэтийн бэлэг барьжээ.

2017.09.11

Жил бүр “Тусгал” гэрэл зургийн клубээс зохион байгуулдаг “Мартагдашгүй намар” фото аялал өнгөрсөн бямба гарагт болж өнгөрсөн билээ.

Эх сурвалж

Энэ үер гэрэл зураг сонирхогч залуус 1960-1970 он руу эргэн очиж, ээж, аав нарын маань идэвхийлэн оролцдог байсан ургац хураалтад оролцох завшаан тохиодог.

Эх сурвалж

Залуус гайхалтай мөчүүдийг гэрэл зурагт мөнхлөн үлдээхээс гадна, амьдралын алдаж болохгүй дурсамжуудаа тэнд бүтээлцэж байдаг. “Мартагдашгүй намар” аяллын үеэр залуус бие биетэйгээ танилцаж, зураг авч, авахуулж, бүр цаашлаад амьдралынхаа ханийг ч олсон тохиолдол бий.

Тэгвэл энэ жилийн аяллаар нэгэн гайхалтай, сайхан үйл явдал болсныг та бүхэнтэй хуваалцах гэж байна. “Тусгал” клубын гишүүн Т.Лхагвасүрэн өнгөрсөн жилийн “Мартагдашгүй намар” фото аяллаар дурлалт бүсгүй Б.Баасансүрэнтэйгээ танилцсан байна. Тэр энэ жилийн “Мартагдашгүй намар” аяллын үеэр буюу танилцсаны 1 жилийн ой дээр хайртдаа гэрлэх санал тавьж, гэнэтийн бэлэг барьжээ.

Эх сурвалж

Клубынхэнтэйгээ хуйвалдан зохион байгуулсан Т.Лхагвасүрэнгийн гэнэтийн бэлэг Б.Баасансүрэнг гайхшруулж, баярын нулимс дуслуулахад хүргэснийг та доорх зургаас харж болно. Бүсгүй мэдээж зөвшөөрсөн. Энэ бол хүний амьдралд тохиох хамгийн гайхалтай, сэтгэл хөдөлгөм мөчүүдийн нэг шүү дээ. Т.Лхагвасүрэн ““Мартагдашгүй намар” бол бид хоёрын хувьд их утга учиртай зүйл. Танилцсаныхаа нэг жилийн ойгоор, клубыхэнтэй ярилцаж, бэлдэж байгаад гэрлэх саналаа тавьсан” хэмээн бидэнд сэтгэгдлээсээн хуваалцсан юм. Дурлалт залуугаасаа гэрлэх санал авсан бүсгүйн гайхалтай зургуудыг эндээс харцгаая.