1 мин

DYRBERG/KERN-ийн дараачийн "ЗОЛИОС" Н.СУВД болчихов уу?

Эдгээр зураг хүмүүсийн гайхшралыг төрүүлж байна.

О.Анхзаяа 2017.09.11

DYRBERG/KERN MONGOLIA бол Данийн гоёл чимэглэлийн брэндийн Монгол дахь албан ёсны салбар юм. "Зэрлэг, секси Дани дизайн, дээд зэргийн чанар" гэх тодорхойлолттой уг брэндийн гэрэл зургууд олны анхаарлыг ихээхэн татдаг билээ. Монголын алдартай, хүчирхэг эмэгтэйчүүдийг сонгон зураг авалтад оролцуулдаг нь тэдний онцлог.

Төрийн соёрхолт, ардын жүжигчин Н.Сувд гуайг тэд энэ удаа зураг авалтад оруулсан байх ба гурван зураг нь тэдний албан ёсны хуудас дээр нийтлэгджээ.

Харин нэг зураг фэйсбүүк хэрэглэгч хүмүүсийн ярианы сэдэв болон анхаарлыг хамгийн ихээр татаж байна. Уг зургийг хүмүүс олон талаас нь харж, сэтгэгдлээ илэрхийлж, зарим нь нүүр будагч, зурагчин нь ямар хүн болох талаар гайхан асууж байгаа харагдана лээ.

Хүмүүсийн сэтгэгдэл эхнээсээ авахуулаад л шооч, хөгжилтэй байснаас гадна шүүмжилсэн өнгө аястай байлаа.

Зарим нь "V for Vendetta"-тай адилхан харагдаж байна гэсэн байв.

Хэрэв та санаж байгаа бол УИХ-ын гишүүн, Зориг сангийн тэргүүн С.Оюун мөн энэ брэндийн зураг авалтад орж байсан билээ.

Энэ зураг ч мөн ялгаагүй маш олон хүмүүсийн ярианы сэдэв болж байсан.

Бас л тэдэнд уг зургийг харьцуулах зүйл олдсон.

Энэ бүх зургуудыг даган гарсан олон арван сэтгэгдэл, шүүмж бий. Хүмүүс бүгд л уг нүүр будалт, зураг авалтын тухай сэтгэгдлээ хангалттай илэрхийлсэн ч дахин ийм зураг авалт хийсэн нь, ийм зургуудыг оруулсан нь уг брэндийн өөрсдийн сурталчилгааны арга барил бололтой.

Уг брэндийн 2017 оны намар, өвлийн "Rhythm" коллекцийн нүүр царай болсон Н.Сувд гуайн зургууд.