1 мин
Фото: “Америкийн Мисс” тодорлоо
Финалд шалгарсан бүсгүйчүүд коллеж, их сургуулийн тэтгэлэгт хамрагдах боломжтой.
М.Сугар-Эрдэнэ
30 
28 
13 
Америкийн Атлантик хотод “Америкийн Мисс” гоо бүсгүйн тэмцээн болж, Хойд Дакота мужийн мисс, 23 настай Кара Мунд түрүүллээ.
Кара Мунд Хуулийн их сургууль төгссөн, мэргэжлийн бүжигчин бөгөөд тэмцээний үеэр Ерөнхийлөгч Доналд Трамп цаг уурын өөрчлөлтийн Парисийн хэлэлцээрээс гарсныг эрс шүүмжилсэн юм.
Өнгөрсөн жилийн мисс Сэвви Шилдс түүнд болор титмийг хүлээлгэн өгсөн.
“Америкийн Мисс” тэмцээн хэд хэдэн шаттай. Эхлээд хот болгон миссээ шалгаруулж, дараа нь мужийн миссийн тэмцээнд оролцоно. Ингээд муж болгоноос нэг гоо бүсгүй финалд өрсөлддөг.
Анхны шатанд 10 мянган оролцогч бүртгүүлснээс ийнхүү 51 мужийн 51 бүсгүй “Америкийн Мисс” болохын төлөө өрсөлдсөн.
“Америкийн Мисс” тэмцээний хүрээнд өсвөр насны охидын тэмцээн бас болдог. Насанд хүрэгчдийн тэмцээнээс ялгаатай нь усны хувцасны үзүүлбэр байхгүй.
Финалд шалгарсан бүсгүйчүүд коллеж, их сургуулийн тэтгэлэгт хамрагдах боломжтой.
Энэ тэмцээнд 17-24 настай, Америкийн иргэн орох эрхтэй бөгөөд төлөөлөх хот, муждаа байнга оршин суудаг байх ёстой.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа