"TIME" сэтгүүлийн нүүр зургуудыг IPHONE-оор авчээ
Дэлхийн алдарт “Time” сэтгүүл нэр нөлөө бүхий 46 эмэгтэйг онцолсон дугаарууд бүхий “Firsts” шинэ төслөө хэрэгжүүлж байна.
Дэлхийн алдарт “Time” сэтгүүл нэр нөлөө бүхий 46 эмэгтэйг онцолсон дугаарууд бүхий “Firsts” шинэ төслөө эхлүүлсэн билээ. Уг төслийн гэрэл зургийг 28 настай гэрэл зурагчин Люса Дорр гар утсаараа авсан нь олны гайхшралыг төрүүлээд байна.
Люса зөвхөн iphone утас хэрэглэдэг гэрэл зурагчин бөгөөд инстаграмд 44 мянга гаруй дагагчтай юм. “Би түүний гэрэл зургуудыг инстаграмаас олж хараад их сониучирхдаг байлаа. Байгалын өнгө, сэтгэлд дулаан өнгө аястай түүний бүтээлүүд ёстой л төгс. Тиймээс ч түүнд санал тавьж энэхүү төслөө хэрэгжүүлэх хэрэгтэй гэж шийдсэн” гэж "Time " сэтгүүлийн эрхлэгч Кира Поллак хэлжээ.
Люса нийт 12 ковер зураг, 46 хөргийг зөвхөн iphone утас болон ойлгогч гэрэлтүүлэг ашиглан буулгажээ. “Гар утсаар өндөр чанартай зураг авахын тулд тоног төхөөрөмж, гэрэлтүүлэг байхгүй учир зөвхөн хоёр гартаа л найдах болдог.” гэжээ. Люса хөрөг зургуудаа хамгийн ихдээ 20 минутад, хамгийн багадаа 2 минутад iphone 5, 6, 6S Plus, 7 зэрэг утсуудаар буулгасан аж.
Эх сурвалж: petapixel.com