1 мин
Э.Анхбаяр Елена Образцовагийн тэмцээний 2-р байрт орлоо
Манай улсаас дуурийн дуучин Э.Анхбаяр, Д.Бат-Эрдэнэ нар сүүлийн шатанд шалгарсан.
М.Сугар-Эрдэнэ
34 
24 
20 
ОХУ-ын Санкт Петербург хотод Елена Образцовагийн нэрэмжит залуу дуурийн дуу дуулаачдын олон улсын тэмцээн болж, өчигдөр дүнгээ гаргалаа. Уралдаанд нийт 21 орны 184 дуучин оролцсон бөгөөд финалд ОХУ, Армен, Гүрж, Хятад, Монгол гэсэн таван орны 15 дуучин шалгаран үлдэж өрсөлдөлөө. Манай улсаас дуурийн дуучин Э.Анхбаяр, Д.Бат-Эрдэнэ нар сүүлийн шатанд шалгарсан.
Финалд дуучид Марийнскийн театрын найрал хөгжмийн хамт нэг нэг ари дуулж, Гүржийн бас хоолойт Годердзи Жанелидзе түрүүлллээ. Гүрж залуу энэ жилээс Их Театрын гоцлол дуучин болоод байгаа билээ. Хоёрдугаар байрт Монголын баритон Э.Анхбаяр, ОХУ-ын тенор Шата Чибиров нар шалгарч, гуравдугаар байрт ОХУ-ын сопрано Анастасия Донец, Диляра Идрисова нар орлоо.
Энэ удаагийн уралдааныг интернетээр 200 мянган үзэгч үзэж сонирхсон байна. Шүүгчдийн зөвлөлийн дарга, ОХУ-ын Ардын жүжигчин Лариса Гергиева “Монголчууд тун сайн оролцлоо. Тэд орос хэлэндээ тун сайн байна. Сүүлийн үед шинэ залуу хятад дуучид ч нэмэгдэж байна” гэж уралдааныг дүгнэсэн юм.
Дараагийн уралдаан 2019 онд Елена Образцовагийн 80 жилийн ойгоор болно.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа