БЬЁОРКИЙН ШИНЭ КЛИПИЙН даашинзыг 550 цагийн турш бүтээжээ
Шинэ уран бүтээл цацагдсан даруйдаа "youtube"-д 250 мянга гаруй хандалт аваад байна.
Исландын дуучин, хөгжмийн зохиолч, жүжигчин Бьёрк “Utopia” шинэ цомогтоо багтсан “The Gate” дууныхаа клипийг танилцуулсан нь дэлхий нийтийг гайхашруулаад байна.
Түүний шинэ клипийн дүрслэл, өгүүлэмж урьд өмнөх бүтээлүүдтэй нь адил гайхалтай өвөрмөц байлаа. Олон мянган торгомсог хэсгээс бүрдсэн, гэрлийн өвөрмөц тусгалуудтай "Gucci" брэндийн даашинзыг бүтээхэд нийт 550 цаг зарцуулжээ. Уран бүтээлчид 320 цагийн турш олон мянган жижиг сувс, шигтгээг хатган, ер бусын гэрлийн тусгалыг бий болгосон аж.
Өдгөө 52 настай алдарт дуучны шинэ уран бүтээл цацагдсан даруйдаа "youtube"-д 250 мянга гаруй хандалт аваад байна.
“The Gate” уран бүтээлийг сонирхоно уу.