Өнгөрсөн шөнө Мексикт хүчтэй газар хөдлөлт болж 139 хүн амиа алдлаа
139 хүн амь үрэгдэж, олон мянган хүн хүндээр бэртсэн тухай тус улсын Онцгой Байдлын газраас мэдээллээ.
Өнгөрсөн шөнө Мексик улсын нийслэл орчмоор болон Морелос, Пуэбла мужуудад 7.1 магнитуудын хүчтэй газар хөдлөлт болж, 139 хүн амь үрэгдэж, олон мянган хүн хүндээр бэртсэн тухай тус улсын Онцгой Байдлын газраас мэдээллээ.
Тус улсад үүссэн нөхцөл байдалтай холбоотойгоор онцгой байдал зарлаж, олон улсын нислэгийг ч цуцалжээ. 20 сая гаруй иргэн байнгын суурьшсан Мексикийн нийслэл Мехико хотод газар хөдлөлтийн улмаас гэрэл цахилгаан тасарч 2 сая гаруй иргэн холбоо тасарсан байна.
Энэ сарын 9-нд тус улсад 8.2 магнитуудын хүчтэй газар хөдлөлт болж 90 гаруй иргэн амиа алдсан. Газар хөдлөлт цаашлан тус улсын ойр орчмын 44 бүсэд хүчтэй илэрч болзошгүйг судлаачид анхааруулжээ. Өнгөрсөн шөнө буюу Мексикийн цагаар өдрийн 13 цагт эхний хүчтэй газар хөдлөлт мэдрэгдсэн бөгөөд энэ үед сурагчид сургуульдаа, хүмүүс ажлын байрандаа байснаас олон мянган иргэн гэр бүлийнхнээсээ холбоо тасарчээ.
Тус улсын Орчны Шинжилгээний Газарт газар хөдлөлт болох тухай урьдчилан таамаглах ямар ч шинж тэмдэг илрээгүй бөгөөд цаашид тархах бүсийг тодорхойлох төдийлөн боломжгүй байгаа юм. Одоогоор дэлхийн түүхэнд болсон хүчтэй газар хөдлөлтөөс төдийлөн урьдчилан сэргийлж чадаагүй бөгөөд Япон улс 30 секундийн өмнө л түгшүүрийн дохио илгээж чаддаг аж.
Одоогоос 32 жилийн өмнө 1985 онд Мексикийн түүхэн дэх хамгийн хүчтэй газар хөдлөлт болж 10 мянга гаруй иргэн амиа алдаж байжээ. Өчигдрийн газар хөдлөлтийн улмаас гэрэл цахилгаан алдаж түймэр гарах, газрын гадарга далайн усанд нөлөөлж цунами болох зэрэг гамшиг болж болзошгүй тухай мэргэжилтнүүд мэдээлжээ.
Эх сурвалж: BBC