Венесуэлийн чөлөөт бөхийн холбооны үйл ажиллагааг зогсоожээ
Шийтгэл оноох болсон албан ёсны шалтгаан нь гадаадын нэг орны чөлөөт бөхийн холбоонд хохирол учруулсан
Дэлхийн бөхийн нэгдсэн холбооноос Венесуэлийн чөлөөт бөхийн холбоонд үйл ажиллагааг нь зогсоох шийтгэл оноосноо зарлалаа. Шийтгэл оноох болсон албан ёсны шалтгаан нь гадаадын нэг орны чөлөөт бөхийн холбоонд хохирол учруулсан тул гэж зарласан ч чухам аль улсын холбоонд, ямар хохирол учруулсан болон хоригийн хугацааны талаар мэдээлээгүй байна.
Венесуэлийн бөхчүүд тавдугаар сард Бразилид болсон Пан Америкийн аварга шалгаруулах тэмцээнд оролцсон. Дараа нь өнгөрсөн долоодугаар сард Аргентинд явагдсан Пан Америкийн аварга шалгаруулах өсвөр үеийн тэмцээнд орсоноосоо хойш олон улсын тэмцээнд үзэгдээгүй. Францын нийслэл Парист болсон ДАШТ-д бөхчүүд, шүүгч нар нь ч ирээгүй юм.