Технологийн шүүмж: "iPhone 8" үнэхээр дэвшил болж чадсан гэж үү?
“Apple” компани 10 жилийн ойгоо тохиолдуулан “Iphone 8”, “iphone 8 plus”, “iphone X” гурван шинэ загвараа танилцуулсан нь олныг гайхашруулаад байна.
“Apple” компани 10 жилийн ойгоо тохиолдуулан “iPhone 8”, “iPhone 8+”, “iPhone X” гэх гурван шинэ загвараа танилцуулсан нь олны анхаарлын төвд байна. Одоогоор захиалга явагдаж байгаа бөгөөд арваннэгдүгээр сарын 3-нд олон улсын зах зээлд нийлүүлэгдэх тус загварын олон талын дэвшилийг судлаачид үнэлж "Ухаалаг утасны ирээдүйг шинэ төвшинд гаргалаа" гэж үзжээ.
Шинэлэг загвар
Шинэ загварууд ар ба нүүрэн тал нь зурагддаггүй шилэн хийцтэй бөгөөд ирмэг нь хөнгөн цагаанаар бүтээгджээ. Хар саарал, мөнгөлөг, алтлаг гэсэн гурван өнгөний сонголттой. IPhone 7 утасны ерөнхий хэлбэрийг хадгалсан ч хүчирхэг процессор, сайжруулсан камер, утасгүй цэнэглэгчээр тоноглогдсон, “home” товч дэлгэц дотроо байрласан гээд сүүлийн хэдэн жил шинэ дэвшил төдийлөн гаргаагүй “Apple” компаний хувьд томоохон алхам гэж судлаачид үзжээ.
Гэрэл зургийн шинэчлэл
IPhone 8 Plus 12 мегапикселийн хосолсон арын камертай, камерууд хурдан мэдрэгчтэй, шинэ өнгөт шүүлтүүр, олон пикселс, шинэ дүрс дохионы процессортой бүтээгджээ. Дэвшилтэт пиксел боловсруулах, харанхуйд автоматаар фокус байршуулах гэх мэт олон сайжруулалтыг хийжээ. Мөн эзэмшигчийн оруулсан тохируулгаар хэрэглэгчийн сахал ургаж, үсээ тайрсан ч царайг нь таних боломжтой юм.
Iphone X нь OLED буюу “Органик гэрэл ялгаруулах диод” дэлгэцтэй, дүрсний нягтрал гойд сайн, дэлгэцний хэмжээ 5.8 инч, 458 цэгийн нягтшилтай, өнгөний харьцаа нь 1,000,000:1 юм.
Видео бичлэгийн дэвшил
Камер нь бичлэгийн хувьд 4K видеог 60FPS хүртэл, 1080p удаашруулсан бичлэгийг 240FPS хүртэл авах боломжтой. IPhone 8 Plus дээр хөрөг зураг авахад илүү тохиромжтой гэрэлтүүлэг, нэмэлт цэс суулгасан аж. Мөн ямар ч нөхцөл байдалд хүний царайг илүү тод гэрэлтэй байлгах арга замыг эрэлхийлж “Studio”, “Contour” тохируулгыг сайжруулжээ. Камерний “Stage Light Mono” цэсийг ашиглан хойд дэвсгэрийг хүний царайнд өөрчлөлт оруулалгүйгээр тохируулах боломжтой аж. Шинэ Retina HD дэлгэцүүд нь хэрэглэгчийн орчинд тохируулан дэлгэцийн өнгийг гэрэлтэй нийцүүлдэг байна
Холболтгүй цэнэглэлт
Шинэ загваруудын хамгийн том дэвшилт нь шилэн эх биетэй тул холбогчгүй, цахилгаан хэмнэх QI стандартын индуктив цэнэглэгч гудас юм. Утсуудыг энгийн холболтоор цэнэглэж ч болно. Цэнэглэгч нь 15 долларын үнэтэй. Цэнэглэгчийг хаана ч байрлуулаад утсаа цэнэглэх боломжтой.
Илүү сайжруулсан IOS 11 загвар
iPhone 8 нь 699 ам.долларын үнэтэй, 256 GB багтаамжтай бол iPhone 8 Plus нь 799 ам.долларын үнэтэй 128GB, 949 ам.долларын үнэтэй 256GB хэмжээтэй байх аж. Мөн тус компаниас загваруудын илүү сайжруулсан, илүү өндөр үнэтэй IOS 11 хувилбарыг ч гаргахаар төлөвлөж байгаа юм. Өндөр үнэ төлж, шинэ загварыг авах хүсэлгүй хүмүүс албан ёсны Apple төвөөс худалдан авсан аль ч загварын iphone утсаа хүлээлгэн өгч зөрүүг нь төлснөөр шинэ загвараар солих боломжтой юм.
Эх сурвалж: Cnn.com