мин

МАРИА ХАР ШУУРГАНЫ улмаас арал тэр чигтээ цахилгаангүй болжээ

Хар шуурга Их Британи, АНУ-ын Виржин арлыг дайран өнгөрч болзошгүй

2017.09.21 38 28 8

Асар хөнөөлт Ирма хар салхи намдаад удаагүй байхад Пуэрто-Рикод сүүлийн 85 жил байгаагүй хүчтэй хар шуурга болж, арал тэр чигтээ гэрэл цахилгаангүй болжээ. Пуэрто-Рикогийн эдийн засгийн байдал сүүлийн жилүүдэд хүндхэн байдалтай байгаагаас 2004 оноос хойш 400 мянга гаруй иргэд арлыг орхин явсан.

Тэгвэл урьдчилан таамаглаагүй байгалийн гамшигт үзэгдлийн улмаас улам доройтохыг эрх баригчид мэдээлжээ. Даваа гарагт арлын төв хэсгээр газар хөдлөлт мэдрэгдэж, өчигдөр өдөр хар шуурга нөмрөн улмаар үер болж, гудамж талбай сүйдэн барилга байгууламж нуран, гэрэл дулааны шугмууд бүрэн тасарч ажиллагаагүй болсон аж. 

3.4 сая хүн амтай тус арлын гадаад дотоод нийт өр 74 сая ам.долларт хүрсэн бөгөөд энэхүү байгалийн гамшгаас шалтгаалан бүрэн сүйдлээ гэж олон улсын төлөөлөгчид үзэж байна. 

Одоогоор Мариа хар шуурга 10 гаруй арлыг дамнан үргэлжлээд байна. Цаашлаад зарим арлууд болон, Их Британи, АНУ-ын Виржинийг дайран өнгөрч болзошгүйг Цаг уур, орчны шинжилгээний газраас мэдээлжээ. 

Эх сурвалж: BBC

2017.09.21