1 мин
"IT" киноны найруулагч дахин Стивен Кингийн өөр зохиолыг кино болгож магадгүй
"IT" гайхалтай амжилт олсон бол дараагийнх нь...
О.Анхзаяа
31 
24 
21 
Стивен Кингийн зохиолоос сэдэвлэн бүтээсэн олон кино байдаг билээ. Тэр дундаас хамгийн сүүлд бүтээгдсэн нь найруулагч Андрес Мускеттигийн найруулж, ердөө хэдхэн долоо хоногийн өмнө нээлтээ хийсэн "IT" юм.
Маш өндөр ашиг орлого, нэр хүнд, өндөр үнэлгээ авсан уг киноны найруулагч харин Стивен Кингийн өөр нэгэн зохиолыг кино болгох хүсэлтэй байгаагаа хэлсэн байна.
Анх 1989 онд кино болон гарч байсан "Pet Sematary" бүтээлийг шинэчлэн найруулах нь түүний мөрөөдөл аж. "Би тэр зохиолд үхэх хүртлээ татагдсаар л байх болно. Би тэр зохиолоор кино хийхийг ямагт мөрөөддөг байлаа" гэж тэр нэгэн ярилцлагадаа өгүүлж байсан байна. "Pet Sematary" кино болон гарахдаа яг одоогийн "IT" шиг л шуугиан тарьж байсан гэхэд хилсдэхгүй.
Гол нь тус киноны эрхийг Парамоунт кино компани эзэмшдэг бөгөөд кино бүтээх эрхийг хэнд өгөх нь тодорхойгүй байна.
"Бид уг эрхийг авч, кино бүтээнэ гэдэгтээ итгэлтэй байна. Хэрэв чадвал бид IT киног бүтээсэн шигээ чанартай, сайн бүтээл төрүүлэх болно" гэж найруулагчийн төрсөн эгч, продюсер Барбара Мускетти мэдэгджээ.
Одоо бидэнд ердөө тэд эрхийг авч чадах эсэхийг хүлээх л үлдээд байна. Хэрэв чадвал бид "IT" кино шиг бас нэгэн часхийсэн гайхалтай бүтээлийг үзэх боломжтой болох нь.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
М.Сугар-Эрдэнэ