Дэлхийн хамгийн баян эмэгтэй 94 насандаа таалал төгсжээ
Дэлхийн хамгийн том үндэстэн дамнасан гоо сайхны L’Oreal корпорацийн өв залгамжлагч Лилиан Беттенкурт 94 насандаа таалал төгсжээ.
Үндэстэн дамнасан гоо сайхны L’Oreal корпорацийн өв залгамжлагч Лилиан Беттенкурт 94 насандаа таалал төгсжээ.
Тэрээр 40 тэрбум ам.долларын хөрөнгөтэйгөөр дэлхийн хамгийн чинээлэг эмэгтэй гэх алдрыг эзэмшээд удаж байгаа бөгөөд 1987 оноос хойш “Беттенкурт Шуллер” санг үүсгэн байгуулж буяны үйл ажиллагаа явуулдаг байжээ. Тус сангийн нийт хөрөнгө албан бусаар 150 сая евро юм. L’Oreal компаний гүйцэтгэх захирал Жен Паул Агон “Энэ компаний бүх л зүйл түүний гэр бүл шиг байсан. Түүнийг амжилттай, аз жаргалтай амьдрал төгссөнд харуусалтай байна.” гэжээ.
Дэлхийн тэрбумтан эмэгтэйтэйчүүдийн дундаж нас 61 байдаг бөгөөд эдгээр эмэгтэйчүүдийн 65 хувийнх нь хөрөнгийн эх үүсвэр үндэстэн дамнасан хүчирхэг корпорациас гаралтай байдаг аж.
Ийнхүү дэлхийн хамгийн том гоо сайхны корпорацийн өв хөрөнгийг Беттенкуртын охин, ач охид нар өв залгамжилж байна.
Беттенкуртын эцэг Эжена Шулер 1909 онд үсний будаг үйлдвэрлэлээр L’Oreal компаниа үүсгэн байгуулснаар өнөөг хүртэл тасралтгүй хөгжиж байгаа бөгөөд сүүлийн жилд гэхэд л компаний хувьцаа 14 хувиар өссөн юм.
Эх сурвалж: BBC