Абелийн шагналыг анх удаа эмэгтэй математикч хүртэхээр боллоо
Математикийн ухааны "Нобелийн шагнал" гэгддэг Абелийн шагналыг энэ жил Техасын Их Сургуулийн профессор, математикч Карен Уленбек хүртэхээр боллоо. Эдүгээ 76 настай математикч хэсэгчилсэн дифференциал тэгшитгэлээрээ салбартаа танигдсан бөгөөд түүний бусад ажлууд физик, геометр, квантын онол зэрэг олон салбарыг хамарсан байдаг аж.
"Уленбекийн судалгаа математик болон физик шинжлэх ухааны огтолцолд хувьсгал хийсэн" гэж Техасын Байгалийн шинжлэх ухааны коллежийн декан Паул Голдбарт ярьжээ. Ийнхүү тэрээр Абелийн шагналыг хүртсэн анхны эмэгтэй математикч боллоо.
Алдарт математикч Нильс Хенрик Абелийн нэрэмжит энэхүү шагналыг 2003 оноос эхлэн гардуулж эхэлжээ. Жил бүр Математикийн шинжлэх ухаанд үнэтэй хувь нэмэр оруулсан эрдэмтнийг тодруулж, Норвегийн эзэн хаан Харалд өөрийн биеэр шагналыг гардуулдаг ба Абелийн шагналыг зургаан сая норвеги крон 700,000 орчим ам.доллар дагалддаг юм байна.