Хайх зүйлээ бичнэ үү

2 мин

"Ажил хийх гоё" хөтөлбөрт амжиж бүртгүүлээрэй

Хөтөлбөрт өргөдөл авах хугацаа дуусахад ердөө 7 хоног үлдлээ!


"LEAD Mongolia 2018" хөтөлбөрийн "Ажилгүйдэл, ядуурлыг бууруулах" багийнхан "Ажил хийх гоё" (Internship Compass) хөтөлбөрөө зарлаад байна. 

Нийслэл, орон нутагт суралцаж буй 3, 4-р курсийн оюутнууд хийгээд ажил идэвхтэй хайж буй 20-29 насны залуучуудыг дэмжих зорилготой уг хөтөлбөрийн өргөдөл хүлээж авах сүүлийн хугацаа дуусахад ердөө долоо хоног үлдээд байна. 

Хөтөлбөрт хамрагдсанаар 21 хоногийн дадлагын ажил, сургалт хөгжлийн хөтөлбөр бөгөөд "чадавхжуулах сургалт", "ажлын туршлага хуримтлуулах дадлага" гэсэн үндсэн 2 хэсэг сургалтад оролцох юм. 

Энэ хүрээнд хөгжих, хөдөлмөрлөх хүсэл эрмэлзлээр дүүрэн 20 оролцогчийг сонгох бөгөөд шалгарсан оролцогчид эрчимжүүлсэн, цогц сургалтанд хамрагдан харилцааны чадвар, инновацийн мэдэгдэхүүн, цаашлаад ажил олгогчдын хүсдэг бүхий л чадваруудыг өөртөө суулгах боломжтой. Улмаар Харилцаа холбоо, мэдээлэл технологийн салбарын тэргүүлэгч байгууллага, аж ахуй нэгжүүдэд дадлагажин ажлын туршлага хуримтлуулж, ирээдүйн карьерынхаа эхлэлийн цэгийг тавих бүрэн боломжтой. Хүртээмжтэй оролцоог хангах үүднээс нийт оролцогсдын 30-аас доошгүй хувийг хөдөө орон нутгаас шалгаруулан, бүх зардлыг нь даан хотод авчрах аж.

Хөтөлбөр дараах шаардлагыг хангасан хүн бүрт нээлттэй:

- Хөтөлбөрт оролцогч нь 20-29 настай байх
- Их, дээд сургуульд харилцаа холбоо, мэдээлэл технологийн болон нийгмийн ухааны чиглэлээр 3, 4-р курст суралцдаг, эсвэл ажил идэвхтэй хайж буй энэ чиглэлийн төгсөгч байх (төгсөөд хоёроос дээшгүй жил болсон байх)
- Англи хэлний анхан буюу дунд түвшний мэдлэгтэй байх

Анкет бөглөх: https://www.jotform.com/form/90204945017452

Материал авах сүүлийн хугацаа: 2019 оны 3 дугаар сарын 25.

Цаашлаад уг төслийн бас нэг зорилго нь тогтвортой ажлын байр идэвхтэй хайж буй залууст зориулсан дадлагын гарын авлага боловсруулахад чиглэж буй. Гарын авлага нь Монгол улс дахь дадлагын системийн хөгжлийг сайжруулахад хувь нэмэр оруулах, залуу ажилтнуудыг ажилд авахдаа хүний нөөцийн менежментийн үр дүнтэй арга хэрэгслийг зөв ашиглахад нь ажил олгогч нарт туслах зорилготой юм. Уг хөтөлбөрт хамрагдсанаар та гагцхүү өөртөө бус Монголын хөдөлмөрийн насны бүх залуусын ирээдүйн хөгжилд хувь нэмрээ оруулна гэж ойлгож болох юм.

Төслийн сошиал хуудас: http://www.facebook.com/InternshipCompass

холбоотой мэдээ
1
11 цагийн өмнө
Энэ сарын 24-26-нд согтууруулах ундаа худалдаалахгүй
2
Өчигдөр
С.Зориг: Бидний монголчууд цөөхөн, итгэж сурах хэрэгтэй
3
Өчигдөр
The Hu хамтлаг "Гэрэг" нэртэй цомог гаргана
санал болгох
1
Өчигдөр
UB.LIFE-ийн туршилт: Залуус 'Samsung', 'Huawei' гар утсыг туршсан нь
2
Өчигдөр
Өнөөдрийн цаг агаарын тухай хөгжилтэй, хөгтэй 20 пост
3
Өчигдөр
Финляндын Ерөнхийлөгчийн гэр бүл модоор хийсэн, дахин боловсруулах боломжтой хувцас өмс...

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.