1 мин

Ангараг гаригт "амиа алдсан" робот хөлөгт НАСА-гаас илгээсэн сүүлийн дуу: "I'll be seeing you"

Ub.life 2019.02.16 70 4 2

885

Хүн төрөлхтөн Валентины баяр тэмдэглэхээс хоёрхон хоногийн өмнө буюу II сарын 12-нд НАСА Ангараг гаригт ажиллаж байсан "Opportunity" робот хөлөгтөө баяртай гэж хэллээ. 2003 онд эх дэлхийгээс хөдөлсөн "Opportunity" хөлөг 2004 оны нэгдүгээр сард эх дэлхийтэй холбогдсон бөгөөд Ангараг гаригийн 90 өдөр (Ангараг гаригийн нэг өдөр нь дэлхийгээс 39 минут 35 секундээр урт байдаг бөгөөд дэлхийн 687 өдөр Ангараг гаригийн нэг жилтэй дүйдэг) ажиллах хуваартай байсан юм. 

Гэвч 2018 оны зургаадугаар сарын 10 хүртэл зүв зүгээр ажиллаж, дэлхий рүү өдөр тутам мэдээлэл дамжуулж байсан робот хөлөг тоосны шуурганд өртсөн. "Oppy" нарны эрчим хүчээр тэжээгдэн ажиллагдаж байсан нь шуурганы улмаас эвдэрч, "Миний цэцэг дуусч, бас энд харанхуй болоод байна" гэсэн сүүлийн мессежээ илгээжээ.

Үүний дараа "Oppy" ямар ч холбоо тогтоогоогүй бөгөөд, холбогдох гэсэн олон зуун оролдлогын эцэст НАСА робот хөлөгт баяртай гэж хэлэхээр шийдсэн байна. Ингэхдээ 1944 онд алдарт жазз дуучин Билли Холидэйн дуулсан "I'll be seeing you" дууг зориулан илгээжээ. 

Яагаад энэхүү дууг илгээх болсон шалтгааныг НАСА-д ажилладаг Ариэллэ Самуэлсон өөрийн твиттерт "Бидний түүнд зориулан илгээсэн дуу төгсөхдөө:

Шөнийн шинэд
Өглөөний наранд
Чамайгаа би олно.

Тэгээд сар өөд харна
Тэгэхэд чамайгаа олж үзнэ..." гэсэн байдаг" гэж тайлбарлажээ.

Ub.life 2019.02.16

885