Анжелина Жоли "Дамбо" киноны нээлтэд хүүхдүүдтэйгээ иржээ
Олны нүдэнд харагдах нь цөөрсөн жүжигчин Анжелина Жоли "Дамбо" киноны нээлтэд хүүхдүүдтэйгээ иржээ. Тус киноны урьдчилсан үзлэг өнгөрсөн даваа гарагт Лос-Анжелес хотын Эл Капитал кино театрт болсон бөгөөд жүжигчин бүсгүй Захара, Шайло болон ихрүүд болох Нокс, Вивьен нартайгаа хамт ирсэн байна.
Тэрээр 12 жил ханилсан нөхөр болох Брэд Питтээсээ салснаас хойш хүүхдүүддээ анхаарал хандуулахыг чухалчлах болсон юм. Мөн хамгийн сүүлд 2015 онд 'By the Sea' кинонд тоглосноос хойш уран бүтээлийн завсарлага аваад байсан. Харин гуравдугаар сард Дисней компани 'Maleficent' киноны хоёдугаар анги болох 'Maleficent: Mistress of Evil' кино аравдугаар сарын 18-нд нээлтээ хийхээр болсон тухай дуулгаж, Анжелинагийн шүтэн бишрэгчдийг баярлуулсан билээ.
Сонирхуулахад, Жоли биедээ 20 орчим шивээстэй бөгөөд тэдгээр нь:
- Хүүхдүүдээ өргөж авсан газрын солбилцол
- Камбожийн иргэншилтэй болсноо тэмдэглэсэн Тайланд хэв маягийн барын шивээс
- 2003 онд хүү Маддоксоо Камбожоос өргөж авахдаа түүнийг муу ёроос хамгаалах тарнийг Санскрит хэлээр шивүүлжээ
- “Know your rights” буюу “Эрхээ мэд” хэмээх шивээсийг 2006 онд хийлгэж байв
- Теннесси Уильямсын хэлсэн эшлэл зэрэг байдаг аж.