Арсеналын тоглогчид Хятадын хөгжөөн дэмжигчдэд сар шинийн мэндчилгээ дэвшүүлжээ
Аарон Рэмзи, Месут Озиль тэргүүтэй Английн Арсенал клубын тоглогчид Хятадын цагаан сар тохиож буйтай холбогдуулан нэгэн “хөгжилтэй” бичлэгийг “Weibo”-гийн албан ёсны хаягаараа цацжээ.
Бичлэгт Аарон Рэмзи, Месут Озиль, Начо Монреаль, Алекс Ивоби нар тоглосон бөгөөд Хятад үндэсний хувцас өмсөж, маажаан тоглож, банш хийж тэр ч бүү хэл хоорондоо мандарин хэлээр ярьсан байна. Мөн төгсгөлд нь дасгалжуулагч Унаи Эмери уламжлалт бэлгийн дугтуй барин, Цагаан сарын мэндчилгээ дэвшүүлжээ.
Дашрамд дурдахад, Хятад улсад 187 сая хөлбөмбөгийн хорхойтнууд байдаг бөгөөд энэ нь Их Британийн хүн амыг гурав нугалсантай тэнцэх тоо юм. Иймд Арсенал клуб хятад хөгжөөн дэмжигчдийнхээ итгэлийг олж авахаар зорьж буй бололтой. Мөн тус клуб Хятадад өөрийн нэрийн хэд хэдэн рестораныг нээхээр төлөвлөж буй тухайгаа “Financial Times”-д мэдээлсэн байна.
Зочин 2019.02.04 103.26.195.252
Pyaldga
0 0 Хариулах