Австралийн цагдаа нар 766 кг мансууруулах бодис тээвэрлэж явсан этгээдүүдийг баривчилжээ
Австрали улсын Квинсленд мужийн цагдаа нар өчигдөр орой сэжиг бүхий дөрвөн иргэнийг саатуулж, 766 кг "MDMA" хэмээх мансууруулах төрлийн бодис тээвэрлэж явсныг нь илрүүлсэн байна.
90 сая ам.долларын өртөгтэй их хэмжээний мансууруулах бодис тээвэрлэж явсан иргэдийн хоёр нь Англи, хоёр нь Австрали улсын иргэн байсан аж. Цагдаагийн газраас тэдгээр иргэдийг олон улсын зохион байгуулалттай гэмт хэргийн бүлэглэлтэй холбоотой байж болзошгүй гэж мэдэгджээ.
Мөн мужийн цагдаагийн газраас "Зохион байгуулалттай гэмт хэргийн бүлэглэлүүд манай улсын нийгэмлэгийн зардлаар ихээхэн ашиг олж байна. Уг мансууруулах бодис нь 12 сая орчим эмийн капсулд хүрэлцэхээр их байсан" хэмээн ярьсан байна.
Тус хэрэг нь Австралийн түүхэнд гурав дахь том мансууруулах бодис тээвэрлэсэн хэргээр бүртгэгдээд байгаа юм. Дээрх хэргээс долоо хоногийн өмнө Английн хоёр иргэн 200 кг мансууруулах бодис тээвэрлэж яваад Шинэ Зеландын Оклэнд хотын цагдаад баривчлагджээ.
Эх сурвалж: BBC