Барселона клуб Неймарыг эргүүлж авахаар хичээж байна
Францын ПСЖ клубтай 2017 онд 222 сая фунтын гэрээ байгуулж, дэлхийн хамгийн үнэ цэнэтэй тоглогчоор тодорсон Бразилийн шигшээ багийн довтлогч Неймар Барселона багт эргэн ирж магадгүй байна.
Эх сурвалжуудын мэдээлж буйгаар Барселона клубийн зүгээс түүнд сарын 15 сая еврогийн цалин амласан хэмээжээ. Тус багийн хувьд хуучин тоглогчоо багтаа эргүүлэн авахын тулд нэлээд хичээл зүтгэл гаргаж байгаа юм.
Барселона клубийн шилдгүүд болох Лионель Месси, Жерард Пике, Луис Суарес нар түүнийг багтаа буцаж ирэх болсонд баяртай байгаагаа илэрхийлсэн байна. Мөн багийн босс Эрнесто Валверде "Би түүнийг багтаа эргэж ирээсэй гэж хүсэж байна" гэжээ. Неймар одоогоор ПСЖ клубт бэлтгэл хийж байгаа аж.
Барселона багийн довтлогч Лионель Месси өнгөрсөн улирлуудад 50 тоглолтонд оролцож, 51 гоол оруулсан боловч бэртлийн улмаас энэ улирлын эхлэлийг орхих болсон байна. Энэ нь Барселонагийн хувьд муу мэдээ байсан нь гарцаагүй юм. Тиймээс тэд Неймарийг эргүүлэн авах хүсэл эрмэлзэл дүүрэн байгаа гэж олон улсын спортын сэтгүүлчид дүгнэж байна.
Эх сурвалж: ВВС