Берлиний олон улсын кино наадмын үеэр "Өндөг" УСК нээлтээ хийжээ
Берлиний Олон улсын кино наадам 69 дэх удаагаа болж байна. Тус наадмын шүүгчдийн багийг Францын Жулиет Бинош даргалж байгаа аж.
Мөн уг наадмын уралдаант хэсэгт Монголын залуу уран бүтээлчид оролцсон "Өндөг" хэмээх уран сайхны кино дэлхийн нээлтээ хийсэн байна.
Энэхүү бүтээлийн найруулагч нь 2007 онд Берлиний олон улсын кино наадмын Алтан Баавгайг "Туяагийн Хурим" бүтээлээрээ авч байсан БНХАУ-ын найруулагч Ван Куан Ань /Wang Quan'an/ аж. Мөн МУСТА Д.Бямбацогт туслах найруулагч, продюсерээр ажилласан байна.
Энэ талаар Монголын урлагийн зөвлөлийн үүсгэн байгуулагч, удирдах зөвлөлийн гишүүн, "Гуру Медиа"-гийн продюсер Ц.Ариунаа ингэж бичжээ.