1 мин

"Big Gee" тун удахгүй шинэ цомгоо өлгийднө

Ж.Мөнхзул 2019.09.30

593

Монголын хип хопын ертөнцөд өөрийн үзэл бодол, уран бүтээлээрээ ялгардаг реппер Т.Мөнх-Эрдэнэ буюу "Big Gee"  өнгөрөгч зургадугаар сарын 7-нд өөрийн бие даасан гурав дахь тоглолт болох "Зогсохгүй"  тоглолтоо Төв цэнгэлдэх хүрээлэнд хийсэн билээ. 

Тэгвэл тэр 10 дугаар сарын 13-нд 14:00 цагаас "Crocus event hall"-д өөрийн долоо дахь "Зогсохгүй" цомгийнхоо баярыг фенүүдтэйгээ тэмдэглэн өнгөрүүлэх гэж байна. 

Тэрбээр өөрийн фэйсбүүк хуудсандаа "Юун түрүүнд олон жилийн амаргүй аялалд маань надтай цуг байж, унахад түшиж, урам хайрлаж, төдийгөөс өдий хүртэл хамт байгаа бүх хүмүүстээ баярлалаа. Энэ цомог дан ганц миний цомог гэвэл эндүүрэл болно. Хань ижил, үр хүүхдүүд, хамтран зүтгэгчид, хамт олон, хамууд, найзууд, ах дүүс, үнэнч дэмжигчид, үзэн ядагчид гээд цагийн эрхээр надад нөлөөлж намайг цогцлоосон та бүхний бүтээл юм. Тийм учраас цомгийн маань нээлтийн баяр ч гэсэн та бүхний баяр шүү" хэмээжээ.

Цомгийн баярын үеэр цомгийн худалдаа, дурсгалын зураг, мини тоглолт зэрэг олон сонирхолтой зүйлс болох юм. Цомгийн баяр тасалбаргүй бөгөөд "Зогсохгүй" цомгийг худалдан авснаар дотогш нэврэх ажээ.

Тус цомог 10 дугаар сарын 14-өөс эхлэн "CU”-ийн бүх салбараар худалдаалагдана. Сонирхуулахад, уг цомогт шинэ найман дуу багтжээ. 

Ж.Мөнхзул 2019.09.30

593