БНХАУ байгуулагдсаны 70 жилийн ойн жагсаалаас онцлох 16 зураг
Өнөөдөр БНХАУ байгуулагдсаны түүхт 70 жилийн ой тохиож байна. 1949 оны аравдугаар сарын 1-нд Хятадын удирдагч Мао Зэдун иргэний дайнд коммунист хүчин ялалт байгуулж, БНХАУ байгуулагдсаныг албан ёсоор зарлаж байв.
Түүхэн ойг тохиолдуулж Бээжин хотын төв талбай Тяньаньмэнд болсон цэргийн жагсаалд 15,000 цэрэг, 160 гаруй нисэх онгоц, сүүлийн үеийн дэвшилтэт цэргийн танк, нисдэг тэрэг, баллистик пуужин зэрэг 580 орчим зэвсэг, техникийг оролцуулжээ. Тэдгээрийн дотор 6-10 ширхэг цөмийн хошуутай “Dongfeng-41” баллистик пуужин багтсан бөгөөд энэ нь АНУ-ын газарт нутагт л гэхэд 30 минутын дотор хүрэх хүчин чадалтай гэж Ассошиэйтед Прессийн ажиглагчид бичжээ.
Цэргийн жагсаалд Ерөнхийлөгч Ши Жиньпин, Ерөнхий сайд Ли Кэцянээс гадна өмнөх удирдагчид болох Ху Жинтао, Зянь Земин нар оролцжээ. Ерөнхийлөгч Ши Жиньпин ойн баярыг нээж хэлсэн үгэндээ "Хятадын ард түмэн, хятад үндэстнийг ямар ч хүч зогсоож чадахгүй" гэдгийг онцлон хэлсэн байна. Мөн тэрбээр төв засгийн газар "Хонконг, Макаогийн тогтвортой хөгжил, тогтвортой байдлыг хадгална" гэж мэдэгджээ.
Дашрамд дурдахад, цэргийн жагсаалтын дараа 100,000 мянган иргэн оролцсон үзүүлбэрүүдийн толилуулсан бөгөөд өнөө орой тус талбай гала тоглолттой юм байна.
Тяньаньмэний талбайд болсон жагсаалын онцлох зургуудыг хүргэе.
Эх сурвалж: BBC, The Guardian