Чайковскийн нэрэмжит XVI уралдааны хагас шигшээд Монголоос гурван дуучин тунаад байна
Сонгодог хөгжимчид, дуурийн дуулаачдын хамгийн нэр хүндтэй тэмцээнүүдийн нэг болох П.И.Чайковскийн нэрэмжит олон улсын XVI уралдаан тав дахь өдрөө Москва, Санкт-Петербург хотноо үргэлжилж буй. Зургаан категорийн нэгдүгээр шатны дүнгүүд гарч өчигдөр буюу зургадугаар сарын 21-нээс хоёрдугаар шат эхлээд байна.
Монгол улсаас дуурийн дуулаачийн ангилалд тэнцсэн нийт таван дуучнаас Э.Анхбаяр, Д.Бат-Эрдэнэ, Б.Жавхлантөгс нар хоёр дахь шатанд тунаж үлдээд байна. Эхний шатанд нийт 20 минутаас илүүгүй гурван янзын бүтээл дуулахаар заагдсан бол хоёр дахь шатанд таван бүтээлүүдийн нийлбэр урт нь 35 минутаас илүүгүй байна. Тэдний хоёрдугаар шатны уралдаан маргааш буюу 23-ны өдөр Москвагийн цагаар 21:00-с эхлэх ба энд дарж үзэж болно.
Уралдааны сүүлийн шат 28-нд болж, 29, 30-ны өдрүүдэд шагнал гардуулах ёслол, гала тоглолт болно.