1 мин

Ч.Ганхуяг Корнивусын их сургуулийн шилдэг 10 төгсөгчийн нэгээр тодорчээ

Ub.life 2019.08.14 4 1 1

1195

100 орчим жилийн түүхтэй Унгарын Корнивусын их сургуулийн шилдэг 10 төгсөгчийн жагсаалтад монгол хүн багтжээ. Тодруулбал, “Ард санхүүгийн нэгдэл”-ийн гүйцэтгэх захирал Ч.Ганхуяг бизнесийн удирдлага, эдийн засаг, нийгмийн ухааны чиглэлээр чадварлаг боловсон хүчин бэлтгэн гаргадаг тус сургуулийн шилдэг 10 төгсөгчийн есдүгээрт жагссан байна. 

Энэхүү жагсаалтад нэр хүндтэй эдийн засагч, нөлөө бүхий улстөрч, нийгмийн зүтгэлтнүүд багтжээ. Тэдгээрийн дотор Унгарын өнөөгийн Ерөнхий сайд Байнай Георги Гордон, Унгарын Үндэсний банкны ерөнхийлөгчөөр ажиллаж байсан эдийн засагч Ференц Барта, Унгарын Сангийн сайд асан Лажос Бокрос, Унгарын улстөрч, Европын парламентийн гишүүн Чаба Табайди зэрэг хүмүүс багтжээ. 

Дашрамд дурдахад, Будапешт дэх Корвинусын их сургууль нь 14 мянга орчим оюутантай бөгөөд унгар, англи, франц, герман хэлээр сургалтаа явуулдаг. Мөн менежментийн чиглэлээр Европтоо эхний 50-д жагсдаг, хөдөө аж ахуйн чиглэлээр шилдэг мэргэжилтэн бэлтгэдэг Унгарын ууган их сургуулиудын нэг юм.

Шилдэг төгсөгчидтэй холбоотой дэлгэрэнгүй мэдээллийг ЭНД дарж уншаарай. 

Ub.life 2019.08.14

1195