1 мин

Чинээлэг америкчууд мөнгөө зарцуулах цаг олдохгүй байгаад хамгийн их стрессдэж байна

Б.Саруул 2019.07.09 13 2 2

1050

Саяхан "Spending Time: The Most Valuable Resource" нэртэй номоо гаргасан эдийн засагч Даниэль Хамермеш америкчуудын орлого хийгээд стрессийн түвшинтэй холбоотой сонирхолтой тооцооллыг гаргажээ. Түүний номонд дурдсанаар америкчуудын орлого 50 жилийн өмнөх харьцуулахад хэд дахин өссөн боловч идэх, унтах, амрах, өөрийгөө хөгжүүлэх зэрэгт зарцуулдаг цаг нь төдийлөн өөрчлөгдөөгүй гэжээ. 

Франц, Герман зэрэг Европын орнуудад цалинтай амралтыг албан ёсоор хуульчилсан байдаг. Харин Японд хүмүүст хэт их ажилласнаас болж нас барах, амиа хорлох тохиолдол нэмэгдэж байгаа тул компаниуд томоохон баярыг үеэр ажилчдаа амрахыг уриалж, зарим нь ээлжийн амралтаа авсан хүнд нэмэлт урамшуулал олгох тогтолцоо руу шилжиж байгаа билээ. Харин АНУ-д цалинтай амралтыг хуульчлаагүйгээс болж хувийн секторт ажилладаг хүмүүсийн 25 хувь нь амралт авч чаддаггүй аж.

Нөгөөтэйгүүр хангалттай орлого олдог, чинээлэг хүмүүс мөнгөө зарцуулах цаг хомс байдагт хамгийн их стрессдэж байна гэж Хамермешийн номонд дурджээ. Харин орлого багатай хүмүүс илүү цагаар ажиллах, эсвэл амралт зугаалгад их цаг зарцуулах зэрэгт аль алинд нь тэгтлээ стрессддэггүй, харин орлогодоо л хамгийн их санаа зовж байдаг гэжээ. 

АНУ-ын Сэтгэл судлалын холбооноос 2014 онд хийсэн судалгаанаас үзвэл чинээлэг болон ядуу амьдралын хүмүүсийн стрессийн түвшний зөрүү улам ихэссэн нь ажиглагджээ. 

Эх сурвалж: Business Insider

Б.Саруул 2019.07.09

1050