1 мин

ДАШТ: Өнөөдөр барилдсан манай бөхчүүдийн гурав нь тэмцээнээ өндөрлүүллээ

Ж.Мөнхзул 2019.09.17

4

Өнөөдөр Казахстаны нийслэл Нур-Султан хотод эмэгтэй чөлөөт бөхийн ДАШТ-ий тэмцээн эхэллээ.

Тэмцээний эхний өдөр манай улсаас дөрвөн бөх барилдсан юм. Эмэгтэйчүүдийн 55 кг-ын жинд зодоглосон Б.Болортуяа эхний тойрогт Энэтхэгийн Лалитаг 10-3-аар ялж, шигшээ 16-д  Панамерикийн АШТ-ий хүрэл медальт Америкийн Винчестертэй таарч ялагдал хүлээсэн юм. Улмаар Америкийн бөх Винчестер дараагийн барилдаандаа Туркийн Бэдиха Ганыг ялбал манай тамирчин дагах барилдаан хийнэ. 

Тэмцээний 50 кг-ын жинд барилдсан Ц.Намуунцэцэг эхний тойрогт ОХУ-ын Екатерина Полещукт, 72 кг-ын жинд барилдсан Монголын бөх  Б.Оюунсүрэн эхний тойрогт Хятадын Палиха Палихатай таарч барилдан, 1-4 харьцаатай тус тус ялагдал хүлээсэн юм. 

Мөн Олон улсын хэмжээний мастер эхний тойрогт ялалт байгуулж, хоёрдугаар тойрогт 2012, 2017 оны дэлхийн аварга шалгаруулах хүрэл медальт, Европын аваргын нэг мөнгө, хоёр хүрэл медальт Грекийн бөх Мария Преволаракитай барилдаж ялагдал хүлээлээ. Ингэснээр манай тамирчид бүгд ялагдал хүлээж, тэмцээнийг угтлаа. 

Ж.Мөнхзул 2019.09.17

4