Дэгдээхийгээ дагуулж жил бүр 'парад' алхдаг эх нугас
Нью-Йорк дахь Рочестер Их сургуулийн эмнэлэг жил бүр тун өхөөрдөм зочид хүлээн авдаг тухай People сэтгүүл мэдээлжээ. Эмнэлгийн фэйсбүүк хуудаст бичсэнээр нэгэн эх нугас эмнэлгийн асрах төвийн ойролцоох газарт өндөглөж, дэгдээхийнүүдээ бойжуулдаг болсоор олон жилийг үдэж байгаа гэнэ. Түүгээр үл барам бяцхан дэгдээхийнүүдээ дагуулан эмнэлгийн коридороор 'парад' алхдаг уламжлал тогтоожээ.
Эх хугасны эл үйлдэлд эмнэлгийн ажилтнууд хэдийн дасаж дадсан бөгөөд тэднийг коридороор алхах үед аюулгүй байдлыг нь хангаж, замчилж өгдөг аж. Хаврын улирал ирснийг сануулах бяцхан дэгдээхийнүүдийн парад өвчтөнүүдийг ч мөн адил баярлуулдаг гэжээ.
Эх нугас өнгөрсөн долоо хоногт ээлжит парадаа хийсэн бөгөөд энэ жил шинээр мэндэлсэн 13 дэгдээхий эмнэлэгтэй танилцжээ.
Эх сурвалж: People