Дэлхий даяар 23.2 сая хүн “123456” гэх нууц үгийг ашиглаж байна
Онлайн аюулгүй байдлын мэргэжилтнүүд хамгийн хялбархан олж болох нууц үгсийн жагсаалтыг гаргаж, тэдгээрийг ашиглахгүй байхыг тогтмол сануулдаг. Гэлээ ч хүмүүс энэ асуудалд төдийлөн ач холбогдол өгөхгүй байгаа нь саяхны судалгааны үр дүнгээс харагджээ.
Их Британий Үндэсний кибер аюулгүй байдлын төв (NCSC) олон нийтийн мэдээллийн сангаас шүүлт хийж үзэхэд “123456” гэх нууц үгийг дэлхий даяар хамгийн олон буюу 23.2 сая хүн ашиглаж байгаа нь тогтоогджээ. Түүнчлэн "123456789", "password", "1111111, "qwerty" гэсэн нууц үгсийн мөн л түгээмэл ашиглаж байна гэжээ.
Тэгвэл Австралийн онлайн аюулгүй байдлын мэргэжилтэн Трой Хант өмнө нь Их Британий Үндэсний кибер аюулгүй байдлын төвтэй хамтран ажиллаж байсан ба тэрээр 'Have I Been Pwned' гэх сайтаараа хүмүүст танигджээ.
Хэрэв таны ашигладаг нууц үг хэр түгээмэл болохыг мэдэхийг хүсвэл тус сайтаар зочилж хайлт хийх боломжтой. Тухайлбал, “zxcvbnm” гэсэн нууц үгийг (компьютерийн кейбордын хамгийн доод эгнээнд дарааллаараа байдаг үсэгнүүд) хийж үзвэл 575 мянган удаа ашиглагдсан гэж гарч ирэх болно. Өөрөөр хэлбэл, олон нийтийн мэдээллийн санд бүртгэгдсэн хамгийн түгээмэл ашиглагддаг нууц үгсийн нэг болохыг мэдэж болно. Мөн онлайнд хэрхэн аюулгүй байдлаа хадгалж, бусдад мэдээллээ алдахгүй байх тухай Хантын өгсөн зөвлөгөөнүүдийг сайтаас унших боломжтой аж.
Эх сурвалж: Digital Trends
Зочин 2019.04.23 202.21.108.131
hudla yum oruulj baihin ma
0 0 Хариулах
Зочин 2019.04.23 202.9.44.224
yaj medej bga yum
0 0 Хариулах