1 мин

Дэлхий дээр 23 тэрбум тахиа байна

Б.Саруул 2019.02.20

7

Одоогийн байдлаар манай гараг дээр 23 тэрбум "амьд" тахиа байна гэсэн тооцоо гарчээ. Хүн төрөлхтөн тахианы махыг хоол хүнсэндээ өргөн хэрэглэх болсноос үүдэж хамгийн их өөрчлөгдөж буй амьтны нэг нь тахиа гэж эрдэмтэд үзэж байна. Учир нь орчин үеийн тахиа бүх шинжээрээ өмнөх үеийн тахиануудаас эрс өөрчлөгджээ. 

Royal Society Open Science сэтгүүлийн саяхны нийтлэлд орчин үеийн тахианы ясыг Ромын үеийн тахианыхтай харьцуулж үзсэн тухай бичжээ. Ингэхэд өнөө үеийн брокерийн тахиа (нийтийн хэрэгцээг хангахын тулд махны зорилгоор үржүүлж буй тахиа)-ны араг яс хэт том байжээ. Өөрөөр хэлбэл, орчин үеийн тахиа дундад зууны тахианаас даруй хоёр дахин их жинтэй болжээ. 

Судлаачид гол өөрчлөлт 20-р зууны хоёрдугаар хагасаас эхэлсэн гэж үзэж байгаа юм. Учир нь 1950-аад оноос хойш тахианы жин тав дахин нэмэгдсэн бөгөөд 5-6 долоон хоногт л нас бие гүйцдэг болжээ. Ингэж өсгөсөн тахианы яс хэврэг, гажигтай байдаг ба нядлах ёстой хугацаанаас нэг сар хэтрэхэд л уг тахиа зүрх эсвэл амьсгалын дутагдалд орж үхдэг юм байна. 

Б.Саруул 2019.02.20

7