1 мин

Дэлхий нийт ямар эможиг хамгийн их ашигладаг вэ?

Ub.life 2019.06.10 9 1 1

26

Та сошиал харилцаандаа хэр их эможи ашигладаг вэ? Мөн аль эможинд хамгийн дуртай вэ? 

Интернэт, сошиал медиа цэцэглэн хөгжсөн цагаас эхлэн хүмүүс өөрсдийн сэтгэл хөдлөл хийгээд тухайн үеийн сэтгэл санааны байдлаа илэрхийлсэн дүрс зургуудыг (эможи) түгээмэл ашиглаж байсан бөгөөд энэ нь үгээр илэрхийлэхэд төвөгтэй мэдрэмжийг дүрслэхэд хамгийн тохиромжтой байдаг билээ. Юникод консорциум хамгийн анх 2005 онд 76 ширхэг эможид хэрэглээнд нэвтрүүлж байсан бол 2010 он гэхэд 1000 гаруй эможи болж нэмэгдсэн байна. 

Тэр бүү хэл дэлхий нийт долоодугаар сарын 17-нд "Дэлхийн эможины өдөр"-ийг тэмдэглэж, Оксфордын толь бичиг 2015 онд "  "-г жилийн онцлох үгээр нэрлэсэн байдаг. Мөн Emojitracker сайтын мэдээлснээр хүмүүс уг эможийг твиттерт хамгийн өргөн ашигладаг аж. Түүнчлэн түгээмэл ашиглагддаг эможид   ,    багтжээ. Харин инстаграмын хэрэглэгчдийн хамгийн их ашигладаг эможигоор "зүрх" шалгараад байна. 

Үүнээс гадна удахгүй олон төрлийн шинэ эможи хэрэглээнд нэвтрэх гэж байгаа талаар сонссон уу? We Forum сайтын мэдээлснээр 2019 онд хөтөч нохой, далайн хясаа, фламинго шувуу зэрэг 230 эможи шинээр нэмэгдэх гэж байгаа аж.

2019 онд шинээр нэвтрэх эможинууд

Дашрамд дурдахад, 2015 оноос эхлэн эможинд өөр өөр арьсны өнгийг ашиглаж эхэлсэн бол 2019 онд хоёр өөр өнгийн арьстай эрэгтэй, эмэгтэй хүмүүсийн хөтлөлцсөн эможиг шинээр нэвтрүүлж, сошиал хэрэглээнд ч арьс өнгөөр ялгаварлах үзлийг үгүй хийхээр зорьж байгаа аж. 

Эх сурвалж: We Forum 

Бэлтгэсэн: Ү.Үжинлхам

Ub.life 2019.06.10

26