2 мин

Дэлхийн хамгийн "эмэгтэйлэг" шувуу Сигитарус

Ж.Мөнхзул 2019.09.20

Дэлхий дээр олон төрлийн өвөрмөц амьтад оршин байдаг. Тэдний нэг нь "Нарийн бичиг шувуу-Сигритарибирд" буюу Сигитарус хэмээх махчин, эмэгтэйлэг төрх бүхий шувуу ажээ. Тэр шувууны ангилалд томд тооцогддог, хуурай газрын шувуу бөгөөд африк тивд амьдардаг байна. Сигитарус нь хорхой шавж, могой, хулгана, гүрвэлээр хооллодог аж.

Анх 1769 онд эрдэмтэн Арноу Восмаер түүнийг амьтны ангид бүртгэн авсан бөгөөд газар тариалангийн бүс нутагт суурьшуулж, хорхой шавж түүлгэж эхэлснээс хойш "Нарийн бичиг шувуу" хэмээн нэрийдсэн байна.

Сигиратус хэмээх нэр нь латинаар "харваач" гэх утга санааг агуулдаг бөгөөд түүний толгойны ар хэсэгт байрлах өднүүд нь аргагүй л нумны сумыг санагдуулдаг аж. Тэр идэш рүүгээ гэтэхдээ өднүүдээ харваж буй сум шиг болгож довтолдог ажээ. Зарим эрдэмтэд уг шувууг "Мөлхөгчдийн анчин" хэмээдэг. Зарим нь дэлхийн хамгийн эмэгтэйлэг шувуу хэмээсэн байна.

Түүний бүргэдийнх шиг бие, тогорууных шиг хөл нь дунджаар нэг метр 30 см хүртэл өндөр болгожээ. Далавч нь 191-220 см урт, хагас дугуйрсан хэлбэртэй. Биеийн нь жин дунжаар 4.2 кг байдаг гэнэ. Нисч байхдаа тэр холоос махчин шувуу гэхээс илүү тогоруутай төстэй харагддаг ажээ.

Тус шувууны эр төрөл нь илүү урт хүзүү, хөлтэй байдаг бөгөөд эмээсээ илүү эмэгтэйлэг харагддаг байна. Африк тивийн Сахарын бүс нутгаар ихэвчлэн тохиолддог уг шувууны төрөл нь нүүдлийн шувуу биш. Гэвч идэш хоол хомс үед нүүдэллэх тохиолдол байдаг гэнэ. Тэр өтгөн ой гэхээсээ илүү ил задгай зүлэг, тал, тариалангийн талбайг илүүд үздэг бөгөөд далайн төвшнөөс дээш ямар ч өндөрлөгт амьдрах чадвартай ажээ.