Дэлхийн шилдэг их, дээд сургуулийн удирдлагууд Монголд чуулж байна
Дэлхийн шилдэг 30 гаруй их, дээд сургуулийн удирдлага оролцсон “Тогтвортой хөгжилд дээд боловсрол-дэвшилтэт технологийн үүрэг, ач холбогдол” сэдэвт олон улсын форум өнөөдөр Улаанбаатар хотноо эхэллээ.
Монгол Улсын Шинжлэх ухаан, технологийн их сургууль 60 жилийн ойн арга хэмжээнийхээ хүрээнд зохион байгуулж буй энэхүү форумд ШУТИС-тай идэвхтэй хамтран ажилладаг, гадаадын 24 их сургуулийн захирал, удирдлагууд оролцож байгаа аж.
Форум нь дотоод гадаадын их, дээд сургуулиуд хамтын ажиллагааны үр дүнгээ хэлэлцэх, эрдэм, шинжилгээ, сургалт судалгааны ажлын талаар мэдлэг, туршлагаа солилцох, их сургуулиудын түвшинд цаашдын хамтын ажиллагааг эрчимжүүлэх зорилготой юм. Мөн даяарчлагдсан мэдлэгийг түгээх талаар санал, зөвлөмж боловсруулж, энэхүү зөвлөмжийг их сургуулиуд бодлого үйл ажиллагаандаа тусган хэрэгжүүлэх юм байна.