Depeche Mode хамтлагийн тухай баримтат киног Монголд албан ёсны эрхтэйгээр гаргана
Алдарт Depeche Mode хамтлагийн "Spirits in the Forest" баримтат кино 11 сарын 21-нд албан ёсны эрхтэйгээр Гэгээнтэн кино театрт гарах болжээ.
Гол онцлог нь, уг баримтат кинонд тус хамтлагийн Монгол дахь шүтэн бишрэгч оролцон тоглосон гэнэ.
2017, 2018 онуудад Depeche Mode хамтлаг нь “Global Spirit Tour” аялан тоглолтоо эхлүүлж, дэлхий даяар нийт 3 сая шүтэн бишрэгчдэдээ зориулан 115 тоглолт хийсэн билээ. Олон жил бүтээлээ туурвиж байгаа кино бүтээгч Антон Корбижний найруулсан энэхүү кино нь тус хамтлагийн аялан тоглолтын эрч хүчээр дүүрэн дүр зургийг харуулаад зогсохгүй тэдний дуунууд шүтэн бишрэгчдийнх нь амьдралд хэрхэн нөлөөлдөг тухай өгүүлнэ.
Depeche Mode хамтлагийн зургаан өөр шүтэн бишрэгчийн сэтгэл хөдлөлөөр дүүрэн түүхийг өгүүлэх энэхүү кино нь Depeche Mode хамтлаг хэрхэн алдартай болсныг харуулахын сацуу дуу хөгжим хүмүүсийг хэл, хүйс, нас, нөхцөл байдал, хаана амьдардгаас нь үл харгалзан хэрхэн холбож чаддагийг бас дуу хөгжим хэрхэн хүмүүст хүнд бэрхшээлтэй зүйлийг давахад тусалж чаддагийг харуулна.
Дэлгэрэнгүй мэдээллийг ЭНД дарж авах боломжтой.