1 мин

Энэ жилийн наадмаар таван бөх начин цолны болзол хангалаа

Ub.life 2019.07.12

Тулгар Төрийн 2228, Их Монгол улсын 813, Ардын хувьсгалын 98 жилийн ой, Үндэсний их баяр наадмын үндэсний бөхийн барилдааны тавын даваа өндөрлөлөө.

Тус даваанд Сэлэнгэ аймгийн Цагааннуур сумын харьяат аймгийн хурц арслан Б.Орхонбаяр, Сэлэнгэ аймгийн Мандал сумын харьяат Онцгой байдлын ерөнхий газрын аврагч спортын хороо "Монзол" компани, "Таван хан" дэвжээний бөх аймгийн арслан Н.Баярбаатар, Өвөрхангай аймгийн Зүүнбаян-Улаан сумын харьяат аймгийн арслан Б.Цэдэнсодном, Хөвсгөл аймгийн Галт сумын харьяат аймгийн арслан А.Давааням, Увс аймгийн Тэс сумын харьяат аймгийн арслан Ж.Ням-Эрдэнэ нар тав давж Монгол Улсын начин цолтны эгнээг тэллээ.

Хүчит бөхийн зургаагийн даваанд улсын аварга Ч.Санжаадамба, улсын аварга Н.Батсуурь, улсын аварга Б.Мөнхбат, улсын арслан Ц.Содномдорж, улсын арслан Э.Оюунболд нарын тэргүүтэй 16 бөх шалгарч үлдээд байна.

Бэлтгэсэн:Л.Сайнбаяр