2 мин

Арваннэгдүгээр сард орж үзэх шинэ, тухлаг 7 газар

О.Анхзаяа 2019.11.05

Та бүхэндээ арваннэгдүгээр сарын мэнд хүргэе. Сайхан ч сар, хийж бүтээх зүйл ч ихтэй сар. Яагаад гэвэл сар гаруй хугацааны дараа шинэ жил болно шүү дээ. Тиймээс энэ сард хийж үзэх, орж үзэх газар олон байна. Бүгдээрээ хамтдаа хотын аялалд гарцгаая.

1. CHUU CHUU Travel club

Lunch Set-ийг нь хүмүүс их л ам сайтай хүлээн авч байгаа санагдсан. Бас дотор үзэмж, тав тухтай байдал нь хүйтэн сэрүүний улирал ирж байгаа үед бол тун таатай санагдана байх. Давхар аяллын хөтөлбөрүүд гаргадаг, зүгээр л орж хоол идэн, кофе уухаас гадна өөр зүйл хийх боломжтой болохоор зориод үзээрэй.

2. AWSM Ulaanbaatar

Маш өнгөлөг ханатай, хоёр тусдаа өрөөтэй энэ газар МУИС-ийн ойролцоо байрладаг учир хүн их ордог болов уу хэмээн тааварласан ч тухтай, тохилог. Ажил, хичээлээ хийгээд суухад ч боломжийн бөгөөд ази хоолнуудынх нь амт сэтгэл татам.

3. Амударья

Шорлог идмээр санагдаад нэг л болж өгөхгүй байвал зорьж очих газар. Би ч мөн өөрийн энэ сарын жагсаалтад "Амударья"-г нэмчихсэн байгаа.

4. Подъезд

Та бидний мэдэх CUE+ өглөөгүүр ийм нэртэй газар болон хувирдаг. Кофе, орос англи маягийн өглөөний цай гээд өглөөгүүр хүнд эрч хүч бэлэглэх бүх зүйлийг л бэлддэг байх нь. Мэдээгүй байсан хүмүүс сонирхоод ороод үзээрэй.

5. Yu Tea Mongolia

Өнгөрсөн зун, намрын трэнд бараг л тэр чигтээ "bubble tea" буюу бондгортой цай байсан биз ээ. ТЭр дундаас энэ газрыг 11 сард онцолж байна. Амсаж үзээгүй хүмүүс нь туршаад үзээрэй.

6. VIM ACID BAR

Дээрээс л орж үзье гэж бодсон газар. Шот, коктейль гээд уух зүйлүүд нь бүгд их өвөрмөц, анхаарал татам харагдсан шүү. Бас янз бүрийн DJ, уран бүтээлчдийн хөгжмийн эвент болдог юм билээ.

7. NUM SUM Speakeasy Bar

Ийм нэгэн нууцлаг газрыг ажлын хүнээсээ олж сонслоо. Атмосфер нь туйлын онцгой, мөн уух юм нь их өвөрмөц, менюг нь хараад л сонголтоо хийх арвин боломжийг олж харна гэнэ шүү. Энэ сард заавал ороод үзээрэй.