"Эрчим" баг маргааш БНАСАУ-ын багтай тоглоно
Хөлбөмбөгийн Үндэсний дээд лигийн 12 удаагийн аварга "Эрчим" клуб "AFC Cup" тэмцээний урьдчилсан шатны эхний тоглолтоо энэ сарын 20-нд хийнэ. Өрсөлдөгч нь БНАСАУ-ын 23 хүртэлх насны шигшээ багийн залуусаас бүрдсэн "Ryomyong SC" клуб юм.
Тоглолт 02-р сарын 20-ны 14:00 цагт МХБХ-ны цэнгэлдэх хүрээлэнд болох бөгөөд NTV телевиз шууд дамжуулан үзүүлнэ.
Монголын клубүүдтэй ойролцоо чансаатай Зүүн Азийн клубүүд “AFC Cup” тэмцээнд оролцдоггүй учраас “Эрчим” сүүлийн гурван жил дараалан, БНАСАУ-ын чансаа өндөр багуудтай сонголтгүйгээр оноолт таарч байна. Энэ жилийн өрсөлдөгч “Ryomyong SC” клуб нь өнгөрсөн жил БНАСАУ-ын дээд лигийн хоёрдугаар байрт орж, энэ жил “AFC Cup”-ын урьдчилсан шатанд өрсөлдөх эрхээ авсан юм гэж Монголын хөлбөмбөгийн холбооноос мэдээллээ.
"Эрчим" баг
Монголын Үндэсний лигийн тэмцээн
Алт – 1996, 1998, 2000, 2002, 2007, 2008, 2012, 2013, 2015, 2016, 2017, 2018
Мөнгө – 1997, 1999, 2009, 2014
Хүрэл - 2003
МХБХ-ны цомын тэмцээн
Алт – 1998, 1999, 2000, 2012,2013,2014,2015
Мөнгө – 2001, 2002
Монголын Супер цом
Алт – 2011, 2012, 2013, 2014, 2016, 2017