Ерөнхий прокурорын орлогчид хэн дэвших вэ
УИХ-ын ээлжит бус чуулганы хуралдаанаар хэлэлцэх асуудлын жагсаалтад Ерөнхий прокурорын орлогчийн томилгоо багтсан юм. Гэвч Ерөнхийлөгч Х.Баттулга Улсын ерөнхий прокурорын орлогч Г.Эрдэнэбатын бүрэн эрхийн хугацаа дуусгавар болсонтой холбогдуулан түүний оронд хэнийг томилох саналаа одоогоор УИХ-д хараахан хүргүүлээгүй байна.
Ерөнхий прокурорын орлогчоор хэн очих нь улстөрчдийн хийгээд хуульчдын анхаарлыг ихээхэн татаж буй сэдэв болоод байна. Бидэнд олдсон мэдээллээр, Сонгинохайрхан дүүргийн прокурорын газрын ерөнхий прокурор, хууль цаазын шадар зөвлөх Ш.Эрдэнэбилэг, Улсын ерөнхий прокурорын туслах прокурор, Зөрчил шалган шийдвэрлэх ажиллагаанд хяналт тавих хэлтсийн дарга, хууль цаазын тэргүүн зөвлөх Б.Жаргалсайхан, Улсын ерөнхий прокурорын туслах прокурор, Шүүхэд төрийг төлөөлөх хэлтсийн дарга, хууль цаазын тэргүүн зөвлөх Э.Амарбат, “Эрдэнэт үйлдвэр”-ийн Хуулийн хэлтсийн дарга асан А.Цэрэнсодном нарын нэр яригдаж байгаа аж.