Хайх зүйлээ бичнэ үү

1 мин

Ерөнхийлөгч Х.Баттулгыг БНЭУ-ын Ерөнхийлөгч Рам Натх Ковинд албан ёсоор угтав


Монгол Улсын Ерөнхийлөгч Х.Баттулга Бүгд Найрамдах Энэтхэг улсын Ерөнхийлөгч Рам Натх Ковиндын урилгаар тус улсад Төрийн айлчлал хийхээр өчигдөр Шинэ Дели хотноо хүрэлцэн очсон юм.


Төрийн тэргүүнийг өнөөдөр Энэтхэгийн Ерөнхийлөгч Рам Натх Ковинд Ерөнхийлөгчийн ордны ёслолын талбайд албан ёсоор угтаж, Энэтхэг улсад тавтай морилохыг хүслээ.

Угтах ёслолын үеэр хоёр улсын Төрийн дуулал эгшиглэж, Ерөнхийлөгч нар албан ёсны төлөөлөгчдийг харилцан танилцуулав.

Дараа нь Монгол Улсын Ерөнхийлөгч Х.Баттулга айлчлалыг сурвалжилж буй хоёр улсын хэвлэл, мэдээллийн төлөөлөгчдөд хандан “Олон мянган жилийн түүхтэй, оюун санаагаараа холбогдсон Энэтхэг улсад айлчилж байгаадаа баяртай байна.

Монгол Улсын анхны Ерөнхийлөгч П.Очирбат Энэтхэг улсад айлчилж байсан. Түүнээс хойш 2009 онд Монгол Улсын Ерөнхийлөгч Энэтхэгт, 2015 онд Ерөнхий сайд Нарендра Моди Монгол Улсад айлчилж байсан түүхтэй. Энэ удаад миний бие Энэтхэг улсад Төрийн айлчлал хийж байгаадаа баяртай байна. Эдгээр айлчлалууд нь хоёр улсын эдийн засаг бусад хамтын ажиллагааг улам бүр бэхжүүлэхэд хувь нэмрээ оруулж байгаа гэдэгт итгэлтэй байна” гэсэн юм.

Монгол Улсын Ерөнхийлөгч Х.Баттулга өнөөдөр Бүгд Найрамдах Энэтхэг улсын Ерөнхийлөгч Рам Натх Ковинд болон тус улсын Ерөнхий сайд Нарендра Моди нартай уулзана.

холбоотой мэдээ
1
3 өдрийн өмнө
Санхүүгийн сахилгагүй У.Хүрэлсүхийн төсөв
2
2019.10.08
Засгийн сайхан санаа хийгээд сайжруулсан түлшний муужруулсан балаг
3
2019.10.01
Мартамхай албан хаагчдын марзан 5 ТАЙЛБАР, хөгжилтэй 26 ЖИРГЭЭ
санал болгох
1
3 өдрийн өмнө
Миллениалуудын 63 хувь нь аялахын тулд ажил хийдэг
2
3 өдрийн өмнө
Судалгаа: Хүүхэд төрсөн эхний жилд хосууд 2500-аас дээш удаа маргалддаг
3
3 өдрийн өмнө
Кино үзээд 1000 долларын цалин авах боломжтой ажлын байр зарлагджээ

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.