1 мин

Э.Сумьяа ялагдал хүлээлээ

Ж.Мөнхзул 2019.09.17

Өнөөдөр Казахстаны нийслэл Нур-Султан хотод чөлөөт бөхийн дэлхийн аварга шалгаруулах тэмцээн эхэлж эмэгтэйчүүдийн 53 кг-ын жинд Олон улсын хэмжээний мастер Э.Сумъяа зодоглолоо.

Тэрбээр эхний тойрогт ялалт байгуулж, хоёрдугаар тойрогт 2012, 2017 оны дэлхийн аварга шалгаруулах хүрэл медальт, Европын аваргын нэг мөнгө, хоёр хүрэл медальт Грекийн бөх Мария Преволаракитай барилдлаа.

Э.Сумьяа барилдааны эхэнд тэргүүллийг гартаа авч 2-0 хошуучилж байсан ч эхний үеийн төгсгөлд хөлөө алдаж, ардаа гаргаснаас болж оноо тэнцсэн юм.

Харин хоёрдугаар үед хариу мэхэнд орж оноо алдсанаар 5-2-ын харьцаатай ялагдал хүлээлээ.